Videotigut ilisimatusarnilikkersaarnerit Saqqummersinneqarfia 03.09.2021

Ilisimasat Kalaallit Nunaanni ilisimatusartarnerit siunnersuisarnerillu ingerlanneqarnerisigut pissarsiarineqarsimasut matumani DCE-meersunit (Avatangiisit Nukissiuuteqarnerlu pillugit Danmarkimi Aarhusip Universitetiata ataani Ilisimasaqarfik) saqqummiunneqarput. Videoliani sammisat assigiinngitsut oqaluttuarineqarput, tamarmilli siunissami naleqqussarsinnaassusermut naleqqussarnerullu pisariaqarneranut tunngassuteqarnertik assigiissutigaat, soorlu silap pissusiata allanngoriartornera eqqarsaatigalugu.

Videoliat ilaatigut imaraat aatsitassarsiorfiit malinnaaffigineqarneri, uuliamik mingutsitsinerit, silap pissusianut naleqqussarnerit, nunap sananeqaataanik nalunaarsuinerit kiisalu aqutsinerit soorlu Kalaallit Nunaanni timmissanik miluumasunillu imarmiunik aqutsinermut tunngasut, allanullumi tunngasut pineqarput.

Taaneqartumut kingullermut tunngatillugu videot ilaat, Pinngortitaleriffimmi Aarhus Universitetimilu ilisimatusartuunerup Flemming R. Merkelip suliaanut, Kippakumi timmissanik alaatsinaannermut nalunaarsuinermullu tunngavoq.

Videot suliarineqartut 2020-2021-mi misissuinernit allanilluunniit suliaqarnermi immiussaapput. Videot arlallit 2021-mi ingerlaavartumik suliarineqartassapput saqqummiunneqartarlutillu.

Youtube-kkut isiginnaaruk: Kippakumi timmisanik imarmiunik misissuisarneq malinnaaviginnittarnerlu

Suliniutinut allanut tunngasut isiginnaakkit: Kalaallit Nunaanni misissuisarnernit takusassiat naatsut

Itinerusumik paasisaqarusunnermi attavissat:

Janne Fritt-Rasmussen, immikkut siunnersorti, Aarhus Universitet. Oqa.: +4587159052 imal. mail: jfr@bios.au.dk imal. Anders Mosbech, ilisimatusartuuneq, Aarhus Universitet. Oqa.: +4587158686 imal. mail: amo@bios.au.dk