Ammassaat sisseeraanik Tunumi misissuineq Saqqummersinneqarfia 06.10.2025

Allisitsiut atorlugu ammassaat sissii mikisunnguit misissornerini ammassaat ukiuinik misissuineq
Allisitsiut allattuiffillu
Qalut amuneqalersut
Suluppaakkat nuarluararlu
Illernit qaamasuaqqanik taaneqartartut, imaani qaammartaramik
Nipisaaraq
WP2netsit CTDlu, tassa kissassutsimik tarajoqassutsimik naqitsinermillu uuttartaasartoq imaanut kivisinneqalersut
Tarajoq Tunup imartaani misissuisoq

 

Laboratoriani ataqatigiissaarisuutut akisussaasuusoq Else Ostermann aasaq ammassaat sapaatip akunnerini pingasuni Tarajoq-mut ilaalluni Tunumi msissuiffigineqarmata peqataavoq. Tunumi ammassaqassuseq Pinngortitaleriffiup ukiut tamaasa misissuiffigisartagaasa ilagaat. Ammassaat nunatsinnut pingaaruteqartuupput EUmut isumaqatigiissummut aamma attuumassuteqaramik.

-Ullukkut ataasiarluta unnuakkullu ataasiarluta ningitsisarpugut. Pikkoriffigiliivillugu ammassaat nalleraangatsigit qarasaasiami qanoq isikkoqartarnersut, Else oqarpoq.

Qalut imaaniit nuiartuaarneranni ammassassunni naamareertarparput.

-Ammassaat sisseerai allisitsiutilerlutik misissortarpagut taamaasillutalu ammassaat ukiui paasisaqarfigisarlutigit. Aalisakkat annerusut kisimik angalanermi misissuiffigineqarneq ajorput. Aamma isiinnarneq takuneqalaarsinnaasartut 1 cm-iinnarnik angissuseqartartut misissuiffigineqartarput, Else oqarpoq.

Netsit bongonik taaneqartartut putukitsuaqqat amitsukujuullu aamma misissugassanik aallissutigineqartarput. Immap naqqa tikillugu bongonik misissuinerit ingerlanneqartarput. Pisarineqartullu affaat qeritinneqartut affaat formalininut ikineqartarput.

-Bongot qulleeraqartarput, tassami illeqqat qillalasut qaamanermut kajumilertarmata. Else oqaluttuarpoq

Qalluigaangattalu ammassaat kisimik misissuiffigineqarneq ajorput aamma suluppaagaaqqat, nipisat, amikut, qillalasut ammassaallumi qaqinneqartaramik. Angalanermi CDT aamma uuttortaaffigineqartarpoq, tassap immap naqqa tikillugu nillissusaa, tarajoqassusaa naqitsineralu uuttortarneqartarami.

Tunumi angalanerminni Else Ostermannip assilisai uani isiginnaarneqarsinnaavatit.