Borg umiarsuarmi Saqqummersinneqarfia 03.06.2025

Naalakkersuisoq for Fiskeri, Fangst, Landbrug og Selvforsyning, Peter Borg, besøger Tarajoq. Photo: Christian Sølbeck / Pinngortitaleriffik
Avatangiisinut naalakkersuisoq Peter Borg umiarsuup naalagaaneranik Jàkup Mikkelsen'imit nassuiaanneqartoq. Assiliisoq: C Sølbeck
Peter Borg Jàkup Mikkelsen'imit nassuiaanneqartoq Avatangiisinut immikkoortortaqarfimmi pisortaq Karl Zinglersen tusarnaartoq. Assiliisoq: C Sølbeck
Umiarsuup maskinaqarfia umiarsuup maskinalerisuuneranik Tordur Nielsenimit nassuiaatigineqartoq. Assiliisoq: C Sølbeck
Umiarsuup pisanik misissuivittaani nassuiaanneqartoq. Assiliisoq: C Sølbeck
Umiarsuup naalagaata Jàkup Mikkelsen'ip Peter Borg nassuiaakkaa. Assiliisoq: C Sølbeck
Peter Borg atorfilittaa, immikkoortortaqarfimmi pisortaq maskinalerisuunerlu oqaluuttut. Assiliisoq: C Sølbeck
Naalakkap aquttullu issiavia misilittarneqarpoq. Assiliisoq: C Sølbeck

Pujoq qangattarmat kiisami seqineq Nuup sissaanut saqqarpoq. Pinngortitaleriffiup ilisimatuussutsikkut umiarsuaa Tarajoq tamaani sapaatip akunnera naallugu tulassimareerpoq, ukioq manna nunatta imartaani misissuinissaminut piareersarneqarami.  Ualikkullu Naalakkersuisoq Peter Borg umiarsuarmut takornariassamaartoq.

Tarajoq ingammik aalisakkanik qalerualinnillu misissuinerni qitiulluinnarpoq, taamaattumillu nunalerinermut, imminut pilersornermut, aammalu aalisarnermut piniarnermullu naalakkersuisumut alakkassallugu pingaaruteqartuulluni. Alakkaramilu umiarsuup naalagaanik  Jàkup Mikkelsen’imit, maskinalerisullu naalagaannik Tordur Nielsen kiisalu immikkoortortaqarfimmi pisortamit Karl Zinglersenimit tikilluaqquneqarpoq. Peter Borg malittaalu umiarsuup nunatsinnut suliassaanut tunngasunik oqaluttuulluarpaat, kiisalu nunatta avataani immap sukumiisumik pisat ilanngullugit misissuiffigineqartarnerinik laboratorianilu misissuiffigeqqissaarneqartarnerinik nassuiaassisoqarpoq.

Maskinaqarfiup takornariarnissaanut aamma piffissaqartoqarpoq, sannavittaanilu eqqartorneqarluni savaateqarfimmiikkaluaraanni umiarsuarmiikkaluaraanniluunniit sorpassuit nammineq aaqqissorsinnaasariaqartarneri. Aquttarfimmilu umiarsuup elektronikkimik atortui, aquutai, sonarii antennii assigisaasalu imaani nutaaliaasumik misissuissagaanni pinngitsoorneqarsinnaajunnaarsimasorpassuusunik eqqartuisoqarpoq. Pinngortitaleriffiup umiarsuai ekkolodeqarput immap naqqanik uuttortaasinnaanngorlutik aammalu aalisakkanik ataatsimoortunik uumasunillu takunnissinnaasunik. Peter Borg’ip pulaarnera naggaserlugu aalisarneq nunaateqarnerlu kaffisorujuujutaa, silagissuup sapaatip akunneratalu naanerata takkutinngilaataani eqqartorneqarput.