Kitaani immap naqqani itersarujussuit gassip anianeranik pilersitat Saqqummersinneqarfia 19.11.2025
Nunatta kitaata avannaani immap naqqata assiliorneqarnerani itersarujussuit gassip anianeranik pilersinneqarsimasut ersittut, Silap Pissusialik Ilisimatusarfimmi ilisimatusartoq Diana Krawczyk oqaluttuarpoq.
Erngup sermersuarmiit kuuffiini itersarujussuit Qimusseriarsuup avataani, Uummannaq Qeqertartuullu Tunuata silataani pilersinneqarsimapput. Qeqertarsuulli Tunuata avataani itersarujussuit annerit akulikinnerillu nassaassaapput. Ilulissat ungasinngisaanni Qeqertarsuup Tunuani itersarujussuit nalunaaqutserneqarsimapput. Itersarujussuit taakkua 800 meterit angullugit diametereqartarput 80 meterinillu itissuseqartarlutik.
Gassip aniasimasup itersarujussuit taakkua pilersitaraat, ilisimatusartoq Diana Krawczyk nassuiaaoq tikkuarlugillu sumiiffiit minnerusut immap naqqaniit suli annikitsumik gassimik aniatitsiffiusut. Itersarujussuit ilaat minnerit 250 meterinik silissusillit suli aniatitsiffiupput, arlallillu sanileriiaarlutik inissisimasuullutik, Diana nassuiaavoq.
Gassimik aniatitsinerit pisimapput nunatta sermersuata iluppariartornerata nalaanili. Taamani nunap naqqani nunatta qaarsuata killiffia angullugu sermersuaqarfiusimagaluarami, sermillu ilummukarnera ilutigalugu gassi annertooq immap naqqaniit aniasinnaasarsimavoq. Iluliarujussuit aamma immap naqqa kalikalaarlugu titarnilersortarsimavaat. Itersarujussuit immallu naqqani kalikalaarfissuit piulersillugit. Itersarujussuit iluliarsuillu aqqusaagaasa immami uumaneqarneq kalluartarsimavaat, tamakkualu tassa ullumikkut nunap naqqani assiliorsinnaalersimavagut, Diana Krawczyk erseqqissaavoq.