Klaus Nygaard Ilisimatusarfimmi ataqqinaammik doktorinngortinneqartoq Saqqummersinneqarfia 29.09.2025

Klaus Nygaard holder sin takketale. Foto: Emil Stach
Klaus Nygaard taler med Aqqaluk Lynge, der også er æresdoktor på Ilisimatusarfik.
Klaus Nygaard har haft en enorm betydning for udviklingen af forskningen ved at skabe det rette rammer.

 

Klaus Nygaard, ukiuni 30ni Pinngortitaleriffimmi ilisimatusarnerullu silarsuaani siuttuulluni ineriartortitsinermik aqutsisuusimasoq tallimanngormat Ilisimatusarfimmi ataqqinaammik doktorinngortinneqarpoq.

Klaus Nygaard, ilisimatusarnerup sinaakkutissaanik piorsaalluarsimaqaaq, sanatikkamigit: Pinngortitaleriffik, allinera, unnuisarfia, ilinniartitaanermut illorsuassaq, umiatsianut illu, ilisimatuussutsikkullu umiarsuit marluk umiatsiaararpassuillu pigineqalernerisigut piorsaalluarsimanini pissutigalugit Ilisimatusarfiup ataqqinaatissatut taaguut tunniuttagaa pingaarnerpaaq, ataqqinaammik doktorinngortinneqarneq tallimanngormat taaguutigilerpaa.

Ataqqinaammik taatuuteqartitsinerminnut tunngatillugu Ilisimatusarfik ima allappoq:

Kalaallit Nunaanni ilisimatusarnerup avatangiisaanik ineriartortitsinermi Klaus Nygaard ukiuni qulikkuutaani arlalinni qitiusumik atuuffeqarsimavoq. Kalaallit Nunaanni Aalisakkanik misissuisarnerup nunatsinnut nuunneqarnissaa 1990-ikkunni aammattaaq Nuummi Pinngortitaleriffimmik pilersitsisoqarnissaa sulissutigisimavai, Pinngortitaleriffillu ullumikkut tassaavoq nunatsinni nunanilu tamalaani ilisimatusarnernik sullissivittut akuerisaasoq.

Nunanitsinni ilisimatusarnerup aaqqissugaanerata ineriartortinneqarnerani Klaus Nygaard aallarnisaanissanut takorluuisuusimavoq.

Umiarsuup ilisimatusaatip nutarsarneqarnerani aamma ilisimatuutut misissuivinnik pilersitsinermi pingaarutilittut atuuffeqarsimavoq.

Pingaarutilittullu tapersiissutigisimasaasa ilaat tassaavoq Ilinniakkanik nutaanik pilersitsisoqarnissaanut suliniuteqarsimanera. SILA-mi uumassusilerinermi ilinniakkamik pilersitsinermi pingaarutilittut atuuffeqarsimavoq, bacheloritut ilinniagaq taanna nunatta inuusuttaanut Issittumi uumassusilerinermi suliatigut qajannaatsumik toqqammaviliisuuvoq taamaasillunilu ilinniagaq ilisimatusarnernut ilisimatuutullu ilinniagaqarnissamut aqqutissiuisuulluni.

Klaus Nygaardip suliniutai ilisimatusarnernut, ilinniartitaanermut aamma Kalaallit Nunaanni uumassusillit pissamaatigineqartunik aqutsinermut ulloq manna tikillugu sunniuteqaqataasimapput.

Pinngortitaleriffimmi sulisut pisortarisimasamik ataqqiniarneqarnera persuarsiutigalugulu tanngassimaarutigaat.