Macron soqutiginnivissoqaaq Saqqummersinneqarfia 17.06.2025

Ilisimatusartup Malene Simon Hegelundip præsident Macron ministeriunerlu Mette Frederiksen oqaluujutigalugit ammukarujoortut. Assiliisoq: Emil Nørgaard Stach

Qamanaarsuup Sermia ammukarfigaat qulimiguulimmiit anigamik. Assiliisoq: Emil Nørgaard Stach

Qamanaarsuup Sermiata tasertaa tikivillugu nikorpasut. Assiliisoq Emil Nørgaard Stach

Qamanaarsuup Sermiani Frankrigip præsidentiata Emmanuel Macron, ministeriuneq Mette Frederiksen, Naalakkersuisullu siulittaasuat Jens-Frederik Nielsen, ilisimatusartumik Malene Simon Hegelundimik sapaatiummat naapeqatigiipput, sermeq aakkiartuinnartoq qanimut takuniarlugu tamaaniipput.

Sisamaallutik sermersuatta sukkaqisumik aakkiartornera eqqartorpaat Malene Simon Hegelundillu sermip qanoq aakkiortortiginera aammalu uumasoqatigiiaanut nunatsinnilu inuiaqatigiinnut qanoq sunniuteqartiginera saqqummiussiffigaa.

“Nunani aqutsisuusut pingaasuullutik silap allanngoriartorneranut ilisimasaqarluarnertik ersersippaat, nunatsinnut innuttaasunullu sunniuteqarnerinik assut soqutigerpasillugu” Malene Simon Hegelund oqarpoq.

Immap sikuata nungukkiartuinnartup nunatta avannaarsuani najugalinnut qanoq sunniuteqarnersoq, inooriaasiannut kulturitoqaannullumi navianartorsiortitsinersoq aamma erseqqissaatigaa.