Nuup imartaani ukiuni 20ni misissuinerit Saqqummersinneqarfia 07.10.2025

Foto fra prøvetagning i 2025 Marin Basis Nuuk. Marin Basis Nuuk fejre 20 år. Photo: Christian Sølbeck / Pinngortitaleriffik
Thomas Juul-Pedersen fortæller om de mannge samarbejdspartnere der har været igennem årene.
Mange vandprøver er også blevet hentet op fra Sanna, Adolf Jensen og Tarajoq.
Vandprøven skal hældes i beholdere, der undersøges i laboratorierne.
Pinngortitaleriffiks båd Avataq har været brugt til de mange vandprøver som klimaforskningscenteret har hentet hver måned i 20 år.
Vandprøve hentes
Mange personer, afdelinger og samarbejdspartnere har arbejdet sammen de sidste 20 år
Alle afdelinger og lejere af huset deltog i markeringen af 20 års jubilæet

 

Nuup imartaani misissuilluni alaatsinaannerit aallartinneqarput 5. oktober 2005. Taamaalilluni pisortatigoortumik uuttortaanerit siulliit uuttortaasarfitta pingaarnersaani ukiuni 20ni ingerlanneqalereersut ippassaq Pinngortitaleriffiup kantiinaani nalliuttorsiutigineqarput, sumiiffillu pingaarneq taaguuteqartoq GF3 aallartiffiusimasoq, suliat ingerlasut ilaminiinnaraat. Immikkoortortami suliarineqartartut ullumikkut Sermersuup sinaaniit avammut imermi, nunami imaanilu uumasoqatigiiaat ataqatigiinnerinut tunngasunik suliaqarpoq

-MarinBasis-Nuuk, imaani Nuup eqqaani misissuinermik ingerlatsiviusuusoq Pinngortitaleriffimmi immikkoortortat assigiinngitsut suleqatigiillutik ingerlataraat. Imaani qitiusumik uumassusillit ataqatigiinnerannut silallu pissusianik sunniutaasut pilersitsinermi qitiutilluinnarlugit pilersinneqarput, kingorna taaguuteqalersumik, ”Silap Pissusianik Ilisimatusarfik”-mik. Ilaatigut taamatut saqqummiussaqarpoq ilisimatusartoq Thomas Juul-Pedersen

MarinBasis-Nuuk suliarujussuarmut Greenland Ecosystem Monitoring (GEM)-mut ilaasoq, tassa issittumi ingerlatat annertunersaat, nunami, imermi taavalu imaani uumassuseqarnerup ataqatigiinnerinut tunngasut annertuumik misissuiffigineqaramik.

-Suliniummi  GEM-imi nunatsinni sumiiffinni assigiinngitsuni pingasuni uuttortakkat 1.500it ingerlanneqarput, tassa Nuummi, Qeqertarsuup Tunuani, Tunullu avannaarsuani Zackenbergimi, issittoqarfimmi issittullu kujasinnerusortaani tigussaasumik allannguutaasut sumiiffiup aalajangersimasup iluani piffissalluunniit aalajangersimasup ingerlanerani pisut uuttortarnerinut suliarineqareriikkanut tunngasut pineqarput. Thomas nassuiaavoq.

Suliniummi taamaasilluni ukiuni qulikkaani silaannarmi, nunami, tatsini, kuunni Kangerluarsunnguanilu nunami misissuivinni suliaqartoqarsimavoq, soorluttaaq Nuup Kangerluani misissuisoqarsimasoq.

-Ullumikkullu ukiut 20it ingerlareersimaneranni kingumut qiviarsinnaavagut ukiuni aalajangersimasuni nalunaarsuinerpassuit ataavartumik ingerlanneqarsimasut, kiisalu saqqummersitarpassuit, suleqatigiissutigisarpassuit aammattaaq ilinniartut ilinniagaqartullu peqatigalugit ingerlanneqarsimasut maani Nuummi imaani alaatsinaannerpassuarnik aallaaveqartut suliarineqareerput – suliaq tamanna immikkuullarilluinnartuuvoq, inuppassuit suleqatigiinnerisigut, immikkoortortaqarfiit akimorlugit suleqatigiinnerpassuarnik, avataaneersunillu suleqateqarluni suliarineqarsimasorpassuit piviusunngortinneqarsimagamik.

Ukiut 20it ingerlanerini MarinBasis Nuummi suliniut taamaasilluni makkuninnga malitseqarsivoq:

  • Umiatsiaaqqanik minnernik ulluni 600ni angalasoqarsimavoq.
  • Sannamut Adolf Jensenimullu angalaqataanerit 20it
  • Ilisimatuussutsikkut allaaserisat ilisimasalinnik naliliiffigalugit akuerisaasut 55it
  • Nalunaarusiat saqqummersitallu allat 30it
  • Ilisimatuussutsikkut saqqummiussinerit 80it
  • Pisortatigoortumik saqqummiilluni aaqqissuussinerit 30it
  • Ilisimatusarlutik ilinniartut 700it ilisimasatsinnik atuisimapput
  • 15it bacheloritut, masteritut PhDtulluunniit ilisimasatsinnik atuisimapput