Suluppaagaq – suussusersiuminaaqisoq Saqqummersinneqarfia 15.12.2025

Rødfiskens øje, overlæbe og tykkelsen på underlæben blev alle målt op
De genetiske undersøgelser viser genetisk forskelle på rødfisken.

 

Suleqatigiissitaliorpugut suluppaakkat suussusersisarneri qanoq ingerlalluartigisarnersoq paasiniarlugu. Suluppaakkat 255it Tunumi angalanitsinni katersorpagut. Aalisakkat ilalisaataat paasineqarpoq, tamatumalu kingorna ilisimatusartunit teknikerinillu 15init misissuiffigineqarlutik. Misissuinerit takutippaat suluppaagaq itisoormioq eqqortumik suussusersineqarluartartoq, kisiannili suluppaagarsuaq isikkua aallaavigiinnarlugu immikkoortiteraanni kukkukkajuttoqarnerusartoq, ilisimatusartoq Henrik Christiansen, Pinngortitaleriffimmeersoq oqaluttuarpoq.

 

Misissueqqissaarnermi ersarissilluinnarpoq:

  • Uumasut suussusaasa misissuiffigilluarneqarnerinia assigiinngittartut, misissuinernilu tamani inerneri erseqqarippallaarneq ajortut.
  • Isikkui malillugit suussusersinissaa iluarnerpaajuvoq, sungiusarluartoqartariaqarporli/misilittagaqarfigilluarneqartariaqarporli.
  • Periuseq tatiginarnerpaaq tassaavoq timaani ilalisaataanik misissuineq.

 

Ilalisaataasali assigiinngissusaat uumasoqatigiit suussusaat akornganni assigiinngittaqaat, nunanilu tamalaaneersunik suleqateqarluta misissueqqissaarnitta takutippaa Suluppaagarsuit (S. norvegicus ) minnerpaamik uumasoqatigiit assigiinngitsut marluusut! Henrik Christiansen nassuiaavoq.

Uumasormi uumasoqatigiinni sorlerpiaanersoq inissikkuminaassinnaasarpoq. Uumasoqatigiimmi ilaat assigiittorujussuusaramik, naak assigiinngitsuugaluarlutik, isikkormi aalajangiisuugajunneq ajorpoq suussutsimut. Aqutsilluassagaannilu piujuartitsiniartumik taava pingaaruteqartorujussuuvoq aalisakkap sorpiaanerata aalajangissinnaanissaa. Uumasoqatigiimmi assigiinngitsut ataatsimoortillugit aqutsinniarutsigit taava aqutsinerluttoqalersinnaammat. Tunumi suluppaakkat tamatumunnga assersuutaalluinnaqqissaartut, ilisimatusartoq Henrik Christiansen Pinngortitaleriffimmeersoq oqaluttuarpoq.

Maannamummi suluppaakkat ukununnga aviinneqartarsimapput:

  • Sebastes norvegicus Suluppaagarsuaq: itissutsimi 100 – 500 meterinik itissusilimmiittuuvoq meterimillu ataatsimik angissuseqalersinnaalluni
  • Sebastes mentella Suluppaagaq itisoormioq: itissutsimi 300 – 1.400 meternik ititigisumiittuuvoq 70 cm-tullu angitigilersinnaalluni
  • Sebastes viviparous Suluppaagaaraq: itissutsimi 50 – 300 meteritut ititigisumiikkajuttarpoq 25 cm-llu angissuseqalertarluni

 

Suluppaakkat Tunumi misissuiffigineqarnerisa kingunerinik ima pisoqarpoq:

  • Siullerpaamik aqutsinermut pilersaarummik nunatsinni 2025imi suliaqartoqarpoq. Tassani suluppaakkat itisoormiut suluppaagarsuillu immikkut pisassiissutissanik kvotelerneqaramik.
  • Suliniut REDADVANCE aningaasaliiffigineqarpoq 2026imilu aallartinneqartussaalluni.
  • Peqassutsimut naliliisarnerit aallaavigalugit naliliissagutta benchmarkimut qanillattoriartorpugut, suluppaagaqassutsimut naliliisarnerit misissorluarneqarnissaannut taavalu peqassutsimut naliliiffigineqartarnerisa pitsanngorsaaffgiineqarnissaannut.