Tunumi qaleralittassaqarnerulissaaq Kitaani saarullittassaqarnerulersoq Saqqummersinneqarfia 13.06.2025
ICES Pinngortitaleriffillu aalisakkat assigiinngitsut pillugit pisassiissutissatut innersuusseqqammerput, ilaatigut kitaani saarullittassanut Tunullu avataani qaleralittassanut suluppaagartassanullu tunngasunik.
Qaffaaffigineqartussatut (é) innersuussutigineqartut makkuupput: Saarullittassat Kitaata Avataani pisassiiffigineqartussat aammalu Nuup avannaani sinerissap qanittuani kiisalu Tunumi, Islandimi, Savalimmiunilu qaleralittassiissutissat amerlineqarnissaat innersuussutigineqaramik.
Ikilisaaffigineqartussatut (ê) innersuussiffigineqartussat makkuupput: Kitaani Nunap Isuaniit Nuuk tikillugu sinerissap qanittuani saarullittassat aammalu suluppaagarsuit Tunumi Islandimilu pisarineqartartut.
Pisarineqartartussatut innersuussutigineqartut aalisagaqatigiinnut marlunnut allannguuteqanngillat (•).
Pisassiissutigineqartussatut 2026imut innersuussutaasut (tonsinngorlugit) aalisakkat makku pineqarput
| Aalisagaqatigiit
Pisat sumiiffii |
2026 | 2025 | |
| Kitaani saarulliit sinerissap qanittuani suffisut (Gadus morhua)
Kitaani, sinerissap qanittuani avataanilu, Nuup Kangerluata avannaatugaani (NAFO 1A-1C) |
é | 2.376 | 2.151 |
| Kitaani saarulliit suffisut sinerissap qanittuani
Kitaani, sinerissap qanittuani avataanilu, Nunap Isuaniit Nuup Kangerlua ilanngullugu (NAFO 1D-1F) |
ê | 1.960 | 2.304 |
| Kitaata avataani saarulliit suffisut
Kitaani, sinerissap qanittuani avataanilu |
é | 4.708 | 3.238 |
| Tunumi/Islandimi avataani saarulliit suffisut
Kitaani Tunumilu, sinerissap qanittuani avataanilu |
• | 23.518 | 23.518 |
| Qaleralik Kangiani (Reinhardtius hippoglossoides)
Island, Tunu, Savalimmiunilu |
é | 20.992 | 17.890 |
| Suluppaagarsuit (Sebastes norvegicus)
Tunumi Islandimilu |
ê | 41.345 | 46.911 |
| Suluppaagaq itisoormioq (Sebastes mentella)
Tunumi nunatta qaarsuata imaani killiffiani |
• | 0 | 0 |
ICES’ip aqutsisunut innersuussutigaa saarullittassiinialernerminni eqqaamasariaqaraat suffisartut assigiinngitsut ataatsimoortut aalisarneqartussaassammata. Pisassiissutaasut sumiiffiit TAC’vinin-ngaaneersuusinnaapput, sumiiffinni assigiinngitsuniit suffisarfeqarfinneersunik saarulleqartut.
Pisortatigoortumik siunnersuineq, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup assinganik tigusaqarfigisaa ICES’ip nittartagaani (www.ICES.dk) ulloq 6. juuni 2025 takuneqarsinnaalereerpoq.
Pinngortitaleriffiup siunnersuinermini atugai tunngaviusumik paasissutissaataasut saaffiginninnikkut pissarsiariniarneqarsinnaapput. Sulilu uppernarsaataasinnaasunik paasisaqartoqarusuppat Pinngortitaleriffik nassuiaanissaminut periarfissaqartuaannarpoq.
Siunnersuinerit atuarlugit paasisaqarfigisinnaavatit UANI
Inussiarnersumik Inuulluaqqusillunga
Helle Siegstad
Immikkoortortaqarfimmi pisortaq
Sukumiinerusumik paasisaqarniaraanni attavigisassaq:
Ilisimatooq Teunis Jansen 36 12 00mut sianernikkut imaluunniit ugguuna allagaqarnikkut tej@aqua.dtu.dk pissarsiarineqarsinnaavoq.