Saattussat nalunaaqutsersukkat

Uumasiorsiuut saattussat sungaartunik qalipaatilinnik nalunaaqutsertarpaat (asseq ataaniittoq takujuk). Nalunaaquttami allassimasarput normut aammalu Pinngortitaleriffiup najugaata allassimaffia.  Uumasorsiuut nalunaaqutat pissarsiarigaangamikku paasisinnaalertarpaat saattuaq qanoq nikissimatiginersoq. Saattuaqarneranullu tunngatillugu paasissutissat tamakkua pingaaruteqartorujussuupput.

Uumasorsiuut nalunaaquttanik aalisartut nassiussaannit tigusaminnit paasereerpaat saattussat 80 procentiisa minnerpaamik kilometerit 10-lit inorlugit isorartutigisoq ingerlaarfigisaraat, tassa nalunaaqutserneqarfigisaat aallaavigissagaanni.

Saattussamik naammattuuissaguit taamaattumik paasissutissat Pinngortitaleriffimmut nassiunnissai pingaaruteqartorujussuuvoq, saattussat nikittarnerat malinnaavigineqarsinnaaniassammat.

Nalunaaqutaq immersukkamut ilanngullugu nassiunneqassaaq 

Immersugassami uani aaneqarsinnaasumi: Immersugassaq, makkua nalunaarsorneqartussaapput:

  • Pisaqarfigisaq (Sumiiffik, kisitsisit allassimasut itissusaalu)
  • Saattussap qaleruaata qanoq issussaa
  • Nassaarinnittup kinaassussaa (ateq, najugaq, CPR aammalu aningaaserivimmi kontop normua)
  • Immersugassaq immersoruk nalunaaqutarlu ilanngullugu uunga nassiunneqassaaq:

Pinngortitaleriffik
Postboks 570
3900 Nuuk

Akissiarsiassaq

Saattussap nalunaaqutaa tunniukkukku akissarsitinneqassaatit. Akissarsiassaq tassaavoq 100 kroner., tassa immersugassami immersuisimaguit nalunaaqutarlu nassiussimagukku.

Saattuaq nalunaaqutsigaq