Tuttut nalunaaqutsersukkat

Tuttu qungasequtilik.

Tuttunik satellitsikkut malinnaaneq

Upernaajusoq 2008-mi Akiani Maniitsullu eqqaani tuttut katillutik 40-t GPS-satellitsikkut aallakaatitsutitalinnik qungasequserneqarput (ataani nunap assinga takuuk).

Qungasequt nammineq katannissaminut aaqqeriigaavoq, ukiut marluk ingerlareernerani ulloq aalajangersimasoq katattussanngorlugu. Taamaalilluni Pinngortitaleriffiup qungasequtit sumiissusersisinnaavai katersorlugillu tuttut pisareqqinnagit. Projektansvarlig

Christine Cuyler, Pinngortitaleriffik aamma Peter Aastrup, Danmarks Miljøundersøgelser.

Tuttu satellitsikkut aallakaatitsissutilimmik qungasequtilik.

Suliamik ingerlatsiffik

Upernaaq 2008 aasaq 2010 tikillugu. Tuttut qungasequtillit aallaaqqusaanngillat (namminersorlutik oqartussat nalunaarusiaat malillugu). Qungaseqummik nassaartoqarnerani akissarsiassaqanngilaq.

Tuttut eqqissisimatitaanerat piniagaanerallu pillugit Namminersornerullutik Oqartussat nalunaarutaat nr. 10, 26. juni 1999-imeersoq:

Eqqissisimatitsineq.§ 2. Nunami tamarmi tuttut eqqissisimatitaapput periarfissiissutit § 3-mi taaneqartut eqqaassanngikkaanni, taamaattoq tak. imm. 2.Imm. 2. Tuttu qungatsimigut aappaluttoq qaamasumik (orange) 6 cm-imik silissusilimmik qaammataasanut radiukkut aallakaatitsissutitalimmik ikkussiffigineqarsimasoq, aalajangersakkat § 3-mi allassimasut apeqqutaatinnagit piniarneqassanngilaq

Akia-Maniitsullu eqqaanut nunap assinga – aappaluttumik nalunaarsukkat tassaapput tuttut sumi satellitsikkut aallakaatitsissutilimmik qungasequtilerneqarsimaneranik takussutissiat.