*Required
*Required
*Required
*Required
*Required
*Required
*Required
*Required
Send
Thank you for your application!
 

Uumasut nalunaaqutsersukkat

Uumasoq sorleq paasisaqarfiginiarnerlugu uuma allatap ataani toqqagassaqarputit

Ilisimatusarnermut ikiuutaallutit nalunaaqutsiissutit nassiutikkit

Uumasut ingerlaarneri alliartornerilu paasissutissanik katersiffiginiarlugit nalunaaqutsiisoqartarpoq. Uumasorsiuut nalunaaqutsiissutit assigiinngitsut uumasunut atortarpaat. Uumasumik nalunaaqutserneqarsimasumik nassaaruit, nalunaaqutsiissut uunga nassiuteqquarput:

Pinngortitaleriffik
Postbox 570
3900 Nuuk

– sumi qangalu nassaarisimanerlugu ilanngutissavat.

Uumasut ingerlaarnerinik misissueriaatsit assigiinngitsuupput, soorlu assammiutaasatut ilusinnik nalunaaqutsersuineq, tags-it, satellitsikkut nassiussuisartut aamma paasissutissanik toqqorterisartut. Nassiussuisunik paasissutissanillu toqqorterisunik nalunaaqutsersuineq nalinginnaasumik nalunaaqutsersuinermit akisunerugaatsiarpoq. Illua tungaatigulli periutsit nutaat atornerisigut nalinginnasumik nalunaaqutsersuinermi paasissutissat pissarsiarineqarsinnaanngitsut piffissap sivikitsup iluani pissarsiarineqarsinnaapput. Periutsinimi taakkunani atuinermi paasissutissat aatsaat pissarsiarineqarsinnaapput, nalunaaqutsiissut imal. atortoq ilisimatusartumut utertinneqarsinnaappat.

Nalunaaqutsiissut paasissutissanillu katersisoq qaleralimmut ikkussaq. Paasissutissat nalunaaqutsikkameersut ilisimatusartunut pingaaruteqarluinnarput. Taamaammat Pinngortitaleriffimmut paasissutissat nassiunneqartassapput.

Nalunaarutigeqqitaq

Uumasumik nalunaaqutsikkamik pisaqaraanni qanoq iliortoqassava?

Siullermik paasissutissat ukua ilanngunneqassapput: Ulloq, sumiiffik, GPS-eqaraannilu sumiiffik allallugu imal. feltkode normu ilanngullugu.

Paasissutissani pingaaruteqartut ilaat ukuupput, takissusaa/oqimaassusaa, uumasoq sunaava, piaraq imal. inersimasoq (miluumasut, nannut puisillu aamma), qanoq uumasoq pisarineqarsimanersoq, il.il.

 

Nalunaaqutiissutit utertinneqarnerini nalingi februar 2014-imeersut:

  • Timmissap isingaa nalunaaqutsigaq 100 kr
  • Timmiaq isikkamigut illuttut nalunaaqutsigaq 200 kr
  • Timmiaq ilivitsoq satelitsikkut nassiussuutitalik/paasissutissanik toqqorterutitalik 1000 kr
  • Satelitsikkut nassiussuut/paasissutissanik toqqorterisoq timmiameersoq 700 kr
  • Kapisiliup nalunaaqutsiissutaa NASCO lottomi makitassani peqataaneq
  • Aalisakkani nalunaaqutsiissutit (saarulliit, qaleraliit il.il. aamma assagiarsuit) 100 kr
  • Aalisagaq ilivitsoq nalunaaqutsigaq (qalerallit aappaluttunik nalunaaqutsikkat minillugit) 200 kr
  • Qaleralik ilivitsoq aappaluttumik nalunaaqutsigaq 400 kr
  • Puisip nalunaaqutsiissutaa 100 kr
  • Puisip nalunaaqutsiissutaa alleruaniittoq 200 kr
  • Satellitsimut nassiussuisoq arfimmeersoq 2000 kr
  • Satellitsimut nassiussuisoq aavermeersoq 2000 kr
  • Aarrup nalunaaqutsiissutaa 1000 kr

Eqqaamallugu paasissutissat ilinnut tunngasut ilanngutissagakkit: Konto nr. tlf.nr, e-mail aamma adresse.

Ajornanngippat uumasup pisarineqartup assia ilanngunneqarsinnaavoq.

 

Inussiarnersumik inuulluaqqusilluta
Pinngortitaleriffik
Kivioq 2, postboks 570
3900 Nuuk, Grønland
Tlf.: +299 36 12 00 – Fax +299 36 12 12
e-mail: adm@natur.gl