Kitaani sinerissap avataani saarulliit (Qaqortup Kangerluaniit avannamut)

2023-mut siunnersuinerit

Siunnersuineq atuuttoq silittumik allaqqavoq. Siunnersuineq siornarnisaq uingasumik allaqqavoq.

Kitaata avataani saarullittassiissutigineqarsinnaasutut innersuussutigineqartut ukiuni marlunnut. ICES-imiit suli siunnersuutigineqarpoq 2022-mi 2023-milu avatani saarullinniartoqassanngitsoq.

2020-mi 2021-milu 100 tonsit pisarineqarsimapput (Takutitassiaq 3, saamerleq). Matumani saarulliit avataaneersut sinerissap qanittuaniittut ilanngunneqanngillat. Kalaallit Nunaanniit Tyskillu ilisimatusartartuinik misissuinerit takutippaat 2000-ip aallartinnerata tungaanut saarulliit avataaneersut ikittuararsuusut. Tamatuma kingorna saarulliit takkussuutillattaalerput (Takutitassiaq 3, talerperleq). 2015-imiilli saarullisannerulersimavoq – ilimanartumik aalisartoqarnera suffisinnaanngortullu Tunumut/Islandimut ingerlaarnerat patsisaalluni. Suffisinnaasut amerlassusiat oqimaassusinngortikkaanni avataani saarulliit ikittunnguupput.

Tyskit ilisimatuussutsikkut umiarsuaat Walter Herwig 2016-imiit 2019-i tikillugu aammalumi 2021-mi misissuisimanngilaq, sumiiffilli Kalaallit Nunaanniit ukiumoortumik misissuiffigineqartarpoq, 2021-li minillugu.

Takussutissiaq 3. Kitaata avataani saarulliit. Pisarineqarsimasut (saamerlermi) peqassuserlu oqimaassusinngorlugu (talerperleq).Aalisakkanut siunnersuinermut atuuttumut eqikkaanerit tamakkeqqasut uani aaneqarsinnaapput: Aalisakkat assigiinngitsut pillugit 2023-mut ICES-imit siunnersuinerit eqikkarnerat

Siornatigut siunnersuinerit uani atuarneqarsinnaapput: