Ida, Linda Albertillu misiliinerat Saqqummersinneqarfia 25.10.2024
Ida, Atuarfik Hans Lynge;
Ataasinngorneq 21 oktobari
Ullormi siullermi Sannami takornariartitaavugut, Pinngortitaleriffimmilu takornariartitaalluta, inuit pitsaasorpassuit naapippagut.
Sissiit assilisaqattaarlugit aamma ikiuuppugut, aalisagaq qanoq utoqqaatiginersoq paasiniarlutigu, nuanneqaaq.
Ullup qeqqasioreeratta arfernit misissugassanik piareersaavugut, laboratoriami serpartarpagut misissorneqarfissaat plastikkit. Tamatuma kingorna mitit DNAvisa misissorneqarnissaannut ikiuuppugut, meqqui, saanii, tingua allallu tigusiffigillattaarlutigit.
Linda, Atuarfik Hans Lynge:
Ulloq 2. 22. oktobari
Marlunngorneruvoq ullup qeqqatalu tungaanut aalisakkerisussaavugut.
Qalerallit.
Qaleralilereqqaartussaavugut. Qalerallit uuttortarpagut. Angissusaalu allattorlugit. Taava ammarterparput suiaassusaa takuniarlutigu ilumiuilu piiarlutigit. Taava qaleralik ilumioqanngitsoq aamma uuttortartussaavarput. Taava niaqua ammarlugu sissii misissugassaasut tigusussaavagut, qarasaasiamullu nalunaarsorlugit.
Suluppaagaq.
Ullup qeqqareermat suluppaagalerisussaavugut.
Qaleralittupajaaq suliaraarput. Angissusaa nalunaarsorparput uuttortarlugulu, taavalu sissii piaarlugit.
Tamatumanili aamma DNAmik misissugassamik tigusiffigisussaavarput, paperuata ilaanik tigusilluta.
Taava imarmiut suunerit suussusilersorpagut. Eqalussuit assigiinngitsut, raajat assigiinngitsut aammalu aalisakkat assigiinngitsut.
Taava uumasut imarmiut suussusersiniarlutigut atuagaq atorparput.
Taava annanik eqqaavimmukarpugut aalisakkat misissorsimasagut igikkiartorlugit.
Sisamanngorneq 24 oktobari
Carlimik atilik peqatigaarput, suliani pillugit oqaluttuuppaatigut. Carl nannulik suliaqarsimavoq, DNAnik tigusisarluni misissugassanillu allarpassuarnik nannuneersunik suliaqartarpoq.
Misigisimasarpassuarminik aamma oqaluttuuppaatigut.
Taava umiatsiaasivimmukarpugut, tassani iluarsaassillutalu assigiinngitsunik suliaqartussaalluta.
Atortullu aamma nutaanik batterilerlutigit.
Ida:
Ullup qeqqasioreeratta imarmik misissugassanik suliaqarpugut, filterit assigiinngitsut marluk atorlugit assigiinngitsunik marlunnik misissuivugut.
Imaq nakkartillugu misissugassanngoreermat, taava filterit reagens glassinut ilivagut, taavalu Itanol-ilerlugit, taava assaannarmik imeq qanoq filterersinnaanerlutigu aamma ilinniarparpugut.
Linda:
Umiatsiaasivimmukarpugut sisamanngornermi ullaarnganiit tassanilu sioqqat/ujaqqat misissorlutigit. Igalaamineq 1 literi sioraannarnik imalik uuttortarparput, aammalu imermik kuisiffigereeratsigu. Taava akunneq ataaseq qaangiummat misissoqqittussaavarput. Imeq unnuaq naallugu kuserusaarluni koorusaartussaavoq.
Ullup qeqqasioreeratta suliassap tullianik suliaqarnissatsinnut piffissanngorpoq. Pupiit suliarisussaavagut. Pupik sorliunersoq misissortussaavarput, taavalu allisitsiutikkut sukumiinerusumik misissortussaallutigu, atuagaq atorlugu suussusersiniartussaavarput. Sorliunersorli paasinngitsoorparput.
Hej.
Albertimik ateqarpunga, Danmarkimi Fanømeersuuvunga, tassani Fanø’p atuarfiani 10. a’mi atuarpunga.
Biologitut assingusumilluunniit ilinniagaqarusuppunga, 5. klassimiikkamali pinngortitamut tunngasut soqutiginikooqaakka, atuarfimmi sammisassat nuannernersaralugillu pissanganarnersarisuaannaramikkit.
Anaanaga ataataga qatanngutikkalu marluusut ilagalugit sapaatip akunnera 42mi Kalaallit Nunaanniittussanngorama Nuummi soqarnersoq misissoqqissaarpara. Pinngortitaleriffeqartoq paasigakkut, taava anaanagalu isumassarsivugut kissaatiginerpaasara suliffigissallugu, tassa biologiuneq Pinngortitaleriffimmi misilikkusuummerpara.Pinngortitaleriffimmut allappunga, ullualunnguillu qaangiummata akineqarpunga sapaatip akunnera sulinermi misiliinissamut tikilluaqqusaallunga.
ULLOQ1 Ataasinngorneq 21-10-2024.
Sapaatip akunnera 43 sapaatip akunnera Kalaallit Nunaanni feriareerlunga Pinngortitaleriffiup isaariaatigut iserpunga. Helle aalisakkanut qalerualinnullu immikkoortortaqarfimmeersoq tassani naapippara, inuusuttullu allat marluk Ida aamma Linda, aamma sapaatip akunnera sulinermik misiliisussat naapillugut. Aallaqqaammut paatsiveerusimaartoqalaarpoq sussanersugut, angutilli Rasmusimik atillip Pinngortitaleriffiup umiarsuaanut Sannamut ilagaatigut takornariartilluta. Taava Pinngortitaleriffimmi takornariartitariarluta ullup qeqqanut sutortarfimmi ullup qeqqasiorpugut.
Nerereeratta taava sissiit allisitsiummik assilillugit misilitttarparput. Sissiit atorlugit utoqqassusaat paasineqartarpoq. Akunnerlu ataaseq qaangiummat Flemming ornipparput timmialerisussanngorluta. Mitit suliarisussanngorpagut. Sakiaani amiiartussaavarput, tunuani aammalu paperuani, aammali tuiini nukii qiorlugit nukia peerparput aammalu tingui peerlutigit.
ULLOQ 2 Marlunngorneq 22-10-2024.
Marlunngornermi Sofiemik aaneqarpugut, taannalu qalerallit suluppaakkallu tisasussaavagut, qalerallit angissusaat allattoriarlugit oqimaassusaat uuttortarpagut, suiaassusaallu paasiniarlutigit, aalisagaq naavatigut ammarlugu suiaassusaa paasivarput, taava ilumiui piiarpagut uuttortaqqittarlugillu, taava nuannersua tikipparput sissii ujarlutigit niaquatigut ammartertussanngoratsigu.
Qalerallit piareeratsigit taava suluppaakkat aamma taamatut misissortussaavagut, kisiannili suluppaakkat aamma DNAvinik tigusiffigisussaavagut, paperuanik ilanngaalluta DNAmik misissuiffissamik tigusivugut, suluppaakkap niaqutani saarnga assut manngerneruvoq, taamaattumillu pilattuummik sissii tiguniarlugit pilattortussaallutigu. Nerinissamut sianeq sianermat neriartorpugut.
Nereeratta Jørgen peqatigalugu aalisakkat raajallu immikkoortitertussanngorpagut, nuanneqaaq, raajalli suliarileratsigit nalunarnerulerpoq, raajat ilaasa niui peqannginnamik, raajallu niui suiaassusaannut paasiniaanermi atorneqartartuullutik.
Piareeratta Lars peqatigalugu aalisakkat imaanut igikkiartorpagut, nuannisarfigaarput, soraarattalu Larsip angerlamut biiliuppaatigut.
ULLOQ 3 Pingasunngorneq 23-10-2024.
Pingasunngornermi Niini ilagalugu umiatsiaasiviliarpugut, tassani misissuinerani ikiortussaavarput, utaqqat arrortikkuminaatsunik akullit imiinnarmik tarajulimmillu imarmik immertarlugit misissuisussaalluta. Taava imeq misissorneqartussaavoq takuniarlugu qanoq taakkuninnga akoqartigilersimanersoq, mineralillu qassit imarmiilersimanersut, ullup annersaa taakkuninnga suliaqarpugut, ullup qeqqatali kingorna aamma akunnerup ataatsip missaani Sissel-imik atilik peqatigaarput pupiit avatangiiserlu taassuma suliarisarai, siullermik naasup atia paasiniartussaavarput paasivarpullu qallunaatut kantlyng ateqartoq, taavalu pupik allisitsiutikkut misissorlutigu.
ULLOQ 4 Sisamanngorneq 24-10-2024.
Sisamanngornermi angut Carlimik atilik naapipparput, taassuma nunnut suliarisartakkani pillugit oqaluttuuppaatigut, soqutiginarlunilu pissanganaqaaq. Nannut uumasut qanoq misissugassanik tigusiffigisarnerlugit aamma oqaluttuuppaatigut. Tamatuma kingorna umiatsiaasivimmut batterimik taarsiiartorpugut, taassu assigiinngitsut imaaniittut puttallartissinnaasarpai.
Taava Pinngortitaleriffimmut uterpugut nerillutalu.
Nerereeratta Katarina peqatigalugu imaani plantonit misissorlutillu qanoq tarajoqartiginera plantoneqartiginersorlu misissortussaavarput.
ULLOQ 5 Tallimanngornq 24-10-2024.
Tallimanngornermi takkukkatta ilisimatinneqarpugut una oqaluttuaq allassagipput, tassa sapaatip akunnera sulerisimanerput allassallutigu, piariingajalerpara allagara, taava ullup qeqqasiussaagut.
Sapaatip akunnera nuannersoq pillugu eqqarsaatit
Sapaatip akunnera una nuannerluinnarsimaqaaq, sukkavallaarujussuartumillu ingerlasimavoq. Isorisassaqanngilanga, pikkunassagaluaqaarli silamiinnerusimasuugutta, silali ajoraluartumik silamiiffiorpiannginnami. Ulluni assigiinngitsuni suliassatsinnut pilersaarummi taamaallaat amigaateqartutut misinnaannarsimavoq.
Kisianni suna tamarmik ilisimagisanngiit pitsaanerulluinnaqqissaarput, inuillu pitsaasorpassuit qutsavigerusuppakka, misigisaqarninni naapitakka neriuppunga naapeqqissallugit.
