Pinngortitaleriffik akissarsitinneqartoq Saqqummersinneqarfia 05.12.2024

Photo: Christian Sølbeck / Pinngortitaleriffik
Nina Pinngortitaleriffiup akissarsiassaanik tigusisuuvoq, saamerlermiit Rasmus Nygaard, attaveqaataasoq, Nina, Pinngortitaleriffiup pisortaa Josephine Nymand aammalu NIIK-ip siulittaasua Viggo Johansen
Akissarsiap allagartaa qimerloorneqarpoq Assiliisoq: Chri. Sølvbeck
Saamerlermiit Rasmus Nygaard, Nina Kleist aammalu Josephine Nymand. Assiliisoq Chr. Sølvbeck
Ninap arnaa Pia Maria Kleist assiliisoq, assilillugit Rasmus Nygaard, Nina Kleist, Josephine Nymand aammalu NIIK-ip siulittaasua Viggo Johansen
Nina Qanoruumiit Gabamit apersorneqartoq
Qaanoroormiut Ninamik apersuisut
Nina akunnattuunngivilluni Qanoruumiit apersorneqarpoq. Assiliisoq Chr. Sølvbeck

 

Pinngortitaleriffik, marlunngormat innummik innarluutilimmik sulisoqarnerminni immikkut ittumik suliffeqarfiup iluani peqataatitsilluartutut akissarsitinneqarpoq.

INUSSIVIK-mukarpugut tanngassimaarluta, pisortarput Josephine Nymand, aammalu Rasmus Nygaard pineqartumut Nina Kleist’imut ulluinnarni ikorfartuisuusartoq ilagalugit. Marlunngorneruvoq novembarip pingajuat, tassa Naalagaaffiit Peqatigiit nunani tamalaani innarluutilinnut ulloq ullorititaat. Taamaattumilluuna Nuummi peqatigiiffiit ulluinnarnilu inunnut innarluutilinnut orninneqartartut tamarmik malunnartitsillutik INUSSIVIK’mi katersuussimasut.

NIIK, nunatsinni inuit innarluutillit kattuffiat katerisimaartunut ilaavoq, siulittaasorlu Viggo Johansen akissarsititsisuuvoq.

-Pinngortitaleriffik akissarsitinneqarpoq inummut innarluutilimmut sulisoqarnissaminut inissaqartitsigami, iluamik tapersersorteqartitaallunilu pineqartartumik, sulisutullu allatulli isigineqarluni sunut tamanut peqataatinneqartuartarpoq, Viggo Johansen suleqatitsinnut pingasunut tunniussilernermini taamatut oqalugiaateqarpoq.

QANOROOQ immiussiartorluni takkussimavoq isumaqatigiissutigaarpullu Nina oqaaseqartitaassasoq. Nina Kleist’imut ulloq persuarsiornartuuvoq, nuannaaqalunilu tanngassimaaqaaq, pissusissamisoortumillu akissarsiarineqartoq nammineq akissarsiamisut isigaa.

Pinngortitaleriffik aamma Ninamik sulisoqarami tanngassimaarpoq, Nina sukumiilluinnartumik suliaminut pikkorilluni suliaqartartuuvoq, Pinngortitaleriffillu nunatsinni inuit innarluutillit kattuffianniit akissarsitinneqarami aamma tanngassimaaqaaq.