Sika Camillalu suliffimmik misiliinerat Saqqummersinneqarfia 08.11.2024
Sapaatip akunnera una naasoq Sika Kielsen-ip Nuussuup Atuarfianeersup aammalu Camilla Christiansen-ip Nuummi NIF-imi atuartup misiliiffigivaat.
Sika kalaallisut allassinnaariarmat aatsaavissuaq tamarmik immikkut allatsitaapput, tassa Camilla qallunaatut allattoq matumani Sika’p kalaallisut allagaa ilanngupparput:
Uanga Sika-mik ateqarpunga nuussuup atuarfiani 9.a-ninngaaneerpunga.
Praktik-erfissaarunnikuugaluarama taava ilinniartitsisumma ikiorlunga praktik-erfissarsiukkaminga maangalu pinngortitaleriffimmi kingusinaarlunga iluatsitsillungalu praktik-ilerpunga.
Ulloq siulleq ataasinngorneq 4 november 2024
Pinngortitaleriffimmut ullup qeqqata missaani ilinniartitsisugalu iserpugut CV-lu tunniullugu anileruttorluta aperitippunga ullup qeqqasioqataarusunnersunga.
Ullup qeqqasioreeratta Aqqalup allaffianukarpugut tassanilu puisit atii nerisarisartagaallu 30 min saqqummiuppai.
Aqqalu-mmeereeratta Sascha-mukarpugut tassani Saschap aamma 30 min saqqummiuppai puisit assigiinngitsut sumiittarnersut sumilu piaqqiortarnersut.
Sascha-miinitsinni aperitippunga angalaqataarumaarusunnersunga angajoqqaanullu atsiugassaq tunniullugu Sascha-meereeratta atallaanik naamagisassarseeriarterpugut tassanngaaniillu bilerluta illoqarfiliarpugut pinngortitaleriffiup bådhus-iutaanukarpugut takornariariitaa armbrøst misilikkiartorlugu tassanngaaniit nalunaaqutaq 14:40 soraarpugut.
Ulloq aappaassaat marlunngorneq 5 november 2024
Angalaartussaagatta nalunaaqutaq 08:30 pinngortitaleriffiliarpugut atallaallu tigoriarlugit qinngorpuliarluta inersimasortarivagut oqaluttuartoralugu John aquttoralugu Flemming.
NuukOil eqqaanut umiatsiaaqqamut avatamik atilimmut ikilluta atallaagut ativagut avalallutalu.
Innajuitsoq tikikkatsigi imermut uuttortaat 1000 meter sinnerlugu ititigisumut aqqartippaat uterteqqillugulu
Nuummut utilerlita aamma taammannat katillugit 16-nit aqqartippagut.
Nuummut apuutilerluta praktik-eqatiga Nuuttoqqamut niorusummat niuoqatigiinnarpara tassanngaaniillu nalunaaqutaq 15:15 soraarluta.
Ulloq pingajussaat pingasunngorneq 6 november 2024
Nalunaaqutaq 08:30 pinngortitaleriffiliarpunga sunaaffa qulingiluanoortussaagaluarluta.
Qulingiluanngormat Ninni apuuppoq bilerlutalu illoqarfimmut bådhus-iliarluta bådhus-imi Ninni suliarisartakkani takutippai oqaluttuaralugillu ikiorparput ujaraaqqat imermik imarmillu immerlugit 1 time uninngateriarlugit spand-eeqqamut imertai kuivagut pinngortitaleriffimmukaqqillutalu ullup qeqqasioriartorluta.
Ullup qeqqasioreeratta Sissel-ip allaffianukarpugut tassanilu Sissel-ip saqqummiuppai naasut qanillisaammillu ilui takutillugut.
Sissel-imeereerluta Yu-mukartpugut Yu-p oqaluttuarivaa sulerisuunerluni pinngortitaleriffimmilu sulerisoqartarnersoq Yu-mooreerattalu soraarluta.
Sannamut iseriartortunga
Ulloq sisamassaat sisamanngorneq 7 november 2024
Nalunaaqutaq 09.00 pinngortitaleriffimmukarpunga apuukkama Sofie Ruth aavaatugut aalisagalerisarfiliarlutalu tassani qaleralik takissusaa, oqimaassusaa, suiaassusaa, aqajoruilu peeriarlugit oqimaassusia allattorlugit sissiillu peeriarlugit puussiaaqamut ikisarlugit 30 min taamaasiorpugut aappaa ammarterisoq aappaa aallattuisoq 30 min pause-riarluta paarlaappugut naammassigatta asaariarluta Sofie Ruth-ikkut allaffiannut utaqqiartorpugut ullup qeqqasioriarornissatsinnut.
Ullup qeqqasioreeratta Louisa sissiinnik assiliisoq isiginnaarparput tassanngaanniillu bil-erluta illoqarfiliarpugut Polar Prinsesse-mut qaleraliup sissiinik aallerluta sanna-lu silataa takornarialaarlugu pinngortitaleriffiliaqqikkatta ataasiarlu sissiinik assiliilluta misiliivugut tassanngaanniillu13:30 soraarluta.
Sofia Ruthip misissuisarfiani sissiinik misissuilersugut
Sissiit assilisat imatut isikkoqarput
Sissiit allisitsiutikkut isikkuat
Ulloq tallimassaat tallimanngorneq 8 november 2024
Nalunaaqutaq 09:00 pinngortilaleriffiliarpunga iseratta Elsep allaffianukarpugut sapaatsillu akunnerani sulerisimanerluta allattuilerluta nalunaaqutaq 11:50 ullup qeqqasioriartorpugut ullup qeqqasioreeratta allatarput nangeqqipparput
