Naasoqarnera nunalerineq sineriaqarfillu pillugit siunnersuineq
Avatangiisinut Aatsitassanullu Immikkoortortaqarfiup Namminersorlutik Oqartussat inuiaqatigiillu kalaallit siunnersortarpaat naasoqassutsimut tunngatillugu, soorlu sanaartortoqassatillugu allanilluunniit suliniuteqartoqassatillugu naasut qanoq sunniuteqartiginissaannut tunngatillugu. Siunnersuinerit Aningaasanut Inatsimmiit matuneqarneq ajorput immikkullu pisariaqartitsisoqartillugu suliarineqartarput.
Avatangiisinut Aatsitassanullu Immikkoortortaqarfik Pinngortitaleriffiup Nunalerinermut Siunnersuisoqatigiinni sinniisorisarpaa, nunalerinut tunngatillugu ilisimasat nutaat pillugit Siunnersuisoqatigiit siunnersortaratsigit.
Sineriaqarfik pillugu siunnersuineq
Avatangiisinut Aatsitassanullu Immikkoortortaqarfik Arktisk Rådimi ilisimatusarnermut suleqatigiiffiani CBMP Coastal-imi ilaasortaavoq, tassanngaaniillu sineriaqarfiup uumassuseqarnera pillugu siunnersueqataasarput. Tassani qeqquaqarfissuit aammalu immap ivigaasai suliffissuaqarnertigut qanoq sunnerneqartigisarnersut immikkut eqqumaffigineqartarput. Suliaq taanna ingerlanneqartarpoq Aarhus Universitet suleqatigalugu nalinginnaasumillu suliassat aalajangersimasut pineqartillugit.
