Qalerallit Saarulliillu nalunaaqutsersukkat

How to apply

Biologit qaleralinnik saarullinnillu nalunaaqutsersuutit assigiinngitsut atorlugit nalunaaqutsiisarput, nalinginnaanerpaalli tassaapput spagettimærkit sungaartut (asseq takuuk). Nalunaaqutsersuutini normumik allassimasoqartarpoq biologillu tamanna nassiussarsiarigunikku paasisinnaassavarput aalisagaq qanoq ungasitsigisumut ingerlaarsimanersoq piffissallu ingerlanerani qanoq alliartortigisimanersoq. Paasissutissat taamaattut aalisagaqatigiiaat paasiniarnissaannut assut pingaaruteqarput.

Nalunaaqutsersuutiniit paasissutissatigut ilaatigut biologit paasisimavaat qaleralik Kalaallit Nunaata kitaata avannaaniit Canadamut Flemish Cap-imut ingerlaarsinnaasoq. Ingerlaarfik 500 km-iniit isorartunerusoq.

Taamaammat aalisakkamik nalunaaqutsersimasumik nassaaruit pingaartorujussuuvoq Pinngortitaleriffimmut paasissutissat nassiunnissaat aalisakkap ingerlaarneri alliartornerilu malinnaavigineqarsinnaaniassammata.

Nalunaaqutsersuut immersukkamut ilanngullugu nassiuguk

Immersugassami, uani aaneqarsinnaasumi: Immersugassaq aalisakkat nalunaaqutaat (pdf 14 KB), paasissutissat makku nalunaarsorneqassapput

  • Pisaqarfik (position, feltkode ajornarpalluunniit piffiup aqqa)
  • Aalisakkap takissusaa (oqimaassusaa aamma nalunaarneqarsinnaavoq)
  • Nassaartup kinaassusaa (ateq, najugaq, CPR- kontollu normua)

Immersugassaq immersoruk nalunaaqutsersuut aalisagarluunniit ilanngullugu uunga nassiullugit:

Pinngortitaleriffik
Box 570
3900 Nuuk

Spaghettimærke sungaartoq, saarullinnut qaleralinnullu atorneqartartoq. Asseq: GN.

Akissarsiassaq

Nalunaaqutsersuummik tunniussiguit akissarsissaatit. Akissarsiassaq qanoq annertutiginissaanut aaliangiisuupput nalunaaqutsersuutip qanoq ittuunerata aalisakkallu siunnaat ilanngullugit nassiussimaneritit.

  • 150 kr.: Nalunaaqutsersuut aalisakkap takissusaa, pisaqarfiullu qanga sumiinneralu ilanngullugit tunniukkukkit.
  • 250 kr.: Aalisakkap siunnai aalisagarluunniit ilivitsuutillugu (nalunaaqutaqartillugu) ilanngullugit tunniukkukkit.
  • 400 kr.: Qaleralik spagettimærkimik aappalaartumik nalunaaqutsersimasoq tunniukkukku (spaghettimærkip aappalaartup takutippaa aalisagaq iluatigut nalunaaqutsersimasoq).
  • 500 kr.: Aalisakkamik elektroniskiusumik nalunaaqutalimmik nassarlutit tunniussiguit (asseq takuuk).

Spaghettimærke aappalaartoq nalunaaqutsersuullu elektroniskiusoq. Asseq: K. Sünksen.

Siunnaat peerneqartarput qarasaata tununnguatigut pilallugu illugiillutik inissisimasarmata (asseq takuuk). Siunnaat misissuisunit atorneqartarput ilaatigut aalisakkap utoqqaassusaa paasiniarlugu

Saarulliup siunnaanik peersineq. Asseq: GN.

Saarulliup siunnaasa inissisimaneri tikkuutini. Asseq: GN.