Silap Pissusianik Ilisimatusarfik

Silap Pissusianik Ilisimatusarfik ilisimatusartunit, sammisanut assigiinngitsunut Kalaallit Nunaanni immami uumassusillit pissuseqatigiinnerannut, Kalaallit Nunaanni sermersuup immallu kissassusaata allanngornerini nerisaqatigiiaanni allanngorartoqarneranut taakkualu Nunatsinni inuiaqatigiinnut attuumassuteqarnerannut sunniutaannullu tunngasunik, immikkuullarissumik ilisimasaqarfiuvoq. Kalaallit Nunaanni pinngortitamut inuiaqatigiinnullu tunngasunik ilisimatusarnermi misissuinermilu siammasissumik annertuumillu ilisimasaqarpugut.

Suliatsinni pingaarnerusoq tassaavoq, Kalaallit Nunaata imartaani nerisaqatigiiaat, silap pissusiata allanngoriartornera, uumassusillillu pissuseqatigiiaat tunngavimminni allanngoriartortoqarnerat pillugit ilisimatusarfigisatta inernerisaannik annertunerusumik paasititsiniaanissaq. Kalaallit Nunaanni inuiaqatigiit tamakkuninnga qanoq sunnerneqarnersut nalilersinnaanissaa qitiuvoq. Piffissap sivisuup ingerlanerani suliassat, Kalaallit Nunaata sineriaani immami avatangiisinut, immamut tunngasumik ilisimatusarnermut, inuiaqatigiillu piorsarsimassusaannut aningaasaqarneratigullu nunap pissarititaanik atorluaanermut tunngasunik, ingerlatsivugut.

Ilisimatusarnermik tunngavilikkanik ilinniarnermi ingerlanneqarsinnaasut inerisaavigalugillu neqeroorutigaavut, ilisimatusarnermillu tunngavilikkanittaaq Kalaallit Nunaanni Danmarkimilu aqutsisoqarfiit siunnersuiffigisarlutigit. Ilisimatusarnitsinni paasisagut nunanut tamalaanut Nunatsinnullu paasisitsitsissutiginissaat pingaartitaraarput, soorlu aammattaaq Kalaallit Nunaanni ilisimasanik piginnaasanillu tunngaviliinissarput suliassatsinni pingaarnerpaat ilagigaat.

Silap Pissusianik Ilisimatusarfiup nittartagaa alakkaruk (tuluttut).