Ph.d.-mut PostDoc-imullu tapiissutit
2025-mi Ph.d.-mut PostDoc-imullu tapiissutit
Namminersorlutik Oqartussat qallunaallu naalagaaffiat ph.d.-mik postdoc-imilluunniit ilinnialerniartunut 2025imi agguaanneqartussanik aningaasaliinissaminnut neqerooruteqarput. Ilisimatusarnermut aningaasaliissutit ilisimatusarnermi pingaarutilinnut tamanut tunngasut qinnuteqaatigineqarsinnaapput. Pinngortitaleriffik aningaasaliissutinik allaffissuussisuuvoq taamaattumillu inuusuttut ilisimatusartut qinnuteqaqqullugit kaammattorpai.
Qallunaat kalaallillu ilisimatusarnermi suleqatigiinnerannut aningaasaliissutit nukittorsaataasussatut pilersitaapput, ilisimatusarneq ineriartorfigineqarniassammat Nunatsinnilu ilisimatusarnissamut ilisimatusartut inuusuttut pigilernissaannut iluaqutaaniassammat. Nunatsinni Ilisimatusarnermik Siunnersuisoqatigiit qinnuteqaatinik pingaarnersiuisarput.
Qinnuteqaatit Pinngortitaleriffiup tigoreersimasussaavai kingusinnerpaamik 1. oktobarimi 2025 nunatta nalunaaqutaa malillugu nal. 24.00.
Nunatsinni Ilisimatusarnermik Siunnersuisoqatigiit nittartagaat takuuk
Qinnuteqaatit 1. oktober 2025 nassiunneqareersimassapput.
Piumasaqaatit qinnuteqarnermilu immersugassat uani aaneqarsinnaapput:
- 2025-mi Ph.d.-nut Postdocinullu tapiissutissat – piumasaqaatit ilitsersuutillu
- Ph.d.-nut tapiissutinut
- Postdoc-inut tapiissutinut
Annerusumik paasisaqarusukkuit:
Oqarasuaat. +299 36 12 00 imal. e-mail stipendier@natur.gl attaveqarfigisinnaavatit