Ilinniartitaaneq

Pinngortitaleriffiup Pinngortitamik Ilisimatusarfia illorsuaq, Pikialaarfik, pinngortitamik ilisimatusarfiusoq peqqissaanermillu ilisimatusarfiusoq 2017-imi atoqqaarfissiorneqarpoq. Illorsuaq 1.500 kvadratmeterisut angissuseqartoq ilinniartitsinermi atortorissaarutinik nutaaliaanerpaanik atortoqarlunilu initaqarpoq; auditoria, init ilinniartitsiviusut, laboratoriat, passussisarfiit, allaffeqarfik, qerititsiveqarfik tikeraanullu ineqarfiit. Illorsualiortitsineq aningaasaateqarfinnit namminersortunit assigiinngitsunit aningaasaliiffigineqarsimavoq.

Illorsuarmi <Pikialaarfimmi ilinniartitaaneq tassaavoq pinngortitamik ilisimatusarsimasunut (kandidatinut) ilinniartitaanikkut alloriaqqiffik semesterinik marlunnik sivisussusilik ’Arctic Science Study Programme´ (ASSP)-imut atatillugu Pinngortitaleriffimmiut Aarhusimi, Københavnimi nunanilu allani Universitetit suleqatigalugit ineriartortissimasaat. Pinngortitamik Ilisimatusarfimmi ilinniartitaanernik ataqatigiissaarineq Pinngortitaleriffimmi Silap Pissusianik Ilisimatusarfimmit isumagisarineqarpoq.

Arctic Science Study Programme (ASSP) pillugu itinerusumik paasissutissat uani aaneqarsinnaapput.

Kalaallit Nunaata Ilisimatusarfiani Peqqissutsimik Ilisimatusarfimmik qitiusumik aqutsineq aamma illorsuarmiippoq. Illorsuaq Pikialaarfik, pinngortitamik peqqissutsimillu ilisimatusarnernut ilinniarfiunermi saniatigut pinngortitamut peqqissutsimullu tunngasunik ingerlaavartumik pikkorissaasarfiullunilu aasaanerani atuartitsiviusartoq Pinngortitaleriffimmiut assigiinngitsutigut aaqqiissusarnerinut aamma atorneqartarpoq.

Illorsuarmi Pikialaarfimmi, Pinngortitamik Ilisimatusarfiup kiisalu Peqqissutsimik Ilisimatusarfiup allattoqarfianik ingerlatsinermut atatillugu Aningaasanut Inatsimmit aningaasaliissutaasartunik aqutsineq Pinngortitaleriffimmit isumagisarineqarpoq.

Ilinniartut suliniutaat

Bachelorinngorniutissat imaluunniit kandidatinngorniutissat suliarinialerukku ilisimatusarfik ilinniarfigisat Pinngortitaleriffillu suleqatigalugit suliarisinnaavat. Tamanna pillugu itinerusumik paasisaqarusukkuit uunga saaffiginnigit: info@natur.gl