Qaleruallit
Kitaani Tunumilu raajanik aalisarneq pillugu siunnersuutip 2024-moortup eqikkarnera
Eqikkaanermi matumani siornamut sanilliullugu siunnersuinermi allannguutit nassuiarneqarput NAFO-millu pisassat amerlassusissaattut siunnersuutigineqartut saqqummiunneqarlutik. Innersuussutit tapiliussami itisilerneqarput.
Kitaani 2024imi raajartassiissutissatut 95.000 tonsiussasut innersuussutigineqarpoq, tassa 2023imut sanilliullugu 15.000 tonsinik ikinnerullutik. Tunumi 2024imi raajat 2.500 tonsit aalisarneqarsinnaanissaat innersuussutigineqarpoq, tassa 2023imut sanillikullugu 500 tonsinik amerlanerusussaallutik.
Raajat 2024imut siunnersuutigineqartut
Kitaa
| 95.000 tonsit.
2023imut siunnersuut: 110.000 tons. 2023imi naatsorsuutigineqartut tamakkiisut: 110.000 tonsit missaat |
Tunu
| 2.500 tonsit.
2023imut siunnersuut: 2.000 tons. 2023imi naatsorsuutigineqartut tamakkiisut: < 6.000 tons. |
Siunnersuut pisortatigoortoq Aalisarnermut Naalakkersuisoqarfiup tigusimasaata assinga NAFO-p nittartagaani (www.nafo.int) ukiup matuma ingerlanerani pissarsiassaalerumaarpoq. Tamannattaaq atuuppoq Pinngortitaleriffiup siunnersuinerminut tunngavilersuutigisaminik allattugaanut. Allattukkat amerlanerusut kissaatigineqarpata soorunami Pinngortitaleriffimmit pissarsiarineqarsinnaapput.
Pinngortitaleriffiup ungasinngitsukkut ingerlatsivimmit aalisarnermillu ingerlatsisunit aallartitaasussat siunnersuummut tunngaviusut sukumiisumik misissuataarneqarnissaannut, tamatumunnga atatillugu apeqqutit akissuteqarfiginissaannut ilisimasanillu avitseqatigiinnissamut, qaaqqujumaarpai.
Raajanut siunnersuisoq 2024imoortoq tamakkiisoq takusinnaavat UANI
