Assitigut arfernik ilisarsiniaaneq

Arfeq nr.9 Nuup Kangerluanut utikkajuttut ilangaat. Siullerpaamik 1992-imi assilineqarpoq, tassanngaanniillu arlaleriarluni Kangerlummi takuneqarsimalluni. Assiliisoq: Tenna Boye

Assitigut arfernik ilisarsiniaaneq

Qipoqqaat sarpiisa allai inussatta ipaattuulli immikkuullaritsigipput arfernillu ilisarsiniarnermi atorneqartarlutik. Kalaallit Nunaat tamakkerlugu Pinngortitaleriffik qipoqqaat immikkut ilisarisinnaaniarlugit katalogiliaqarput. Taakkualu ilisimatusarnermi atorneqartarput. Arferit pillugit paaserusutarpassuagut Atlantikullu avannaani angalasarnerat pillugu akissutissarpassuarnik pissarsiaqarfigisarpagut. Katalogitta Atlantikup avannaaneersut allat katalogiinut naleqqersuunnerisigut arferit sumiittarnersut piffissallu ingerlanerani ingerlaartarnerat allanngoriartornersoq malinnaaffigisinnaavarput. Taamaalilluta aamma Kalaallit Nunaanniittartut ataasiakkaat immikkut ilikkagaqarfigisinnaanngortarpagut. Assit katalogimiittut nunaqavissunit, takornarissanit, takornarialerisartunit Pinngortitaleriffimmiillu ilisimatusartunit ilanngussaapput.

Ikiortisigerusuppatsigit! Arferup sarpianik Kalaallit Nunaanni takusimasarnik assiuteqaruit Pinngortitaleriffik soqutiginnittuaannarpoq. Asseq, sumi qangalu assilisaanersoq ilanngullugit, nassiussinnaavat uunga qipoqqaq@natur.gl.