Mærkede stenbidere

Nipisaat nalunaaqutsikkat

Uumasorsiuut nipisaat assigiinngitsunik nalunaaqutsersorpaat, nalunaaqutsiussarli nalinginnaanerpaaq tunguusamik ikkussiffigineqarsimavoq, aammalu sungaartunik saattuaqqanik nalunaaqutserneqarsimallutik (assimiittoq takusinnaavat). Nalunaaqutsiussani normu allassimavoq, taannalu normut uumasorsiuunut nassiunneqarsinnaavoq, aalisakkap qanoq angitiginera ilanngullugu, ikkussiffigineqarnerminiit qanoq allisimatiginersoq paasineqarsinnaaniassammat. Paasissutissammik tamakkua aalisagaqatigiit paasisaqarfigilluarnissaannut pingaaruteqartorujussuusarput.

NB: Nalunaaqutsersuutit ilai Islandimi suleqatitta ikkussortitaraat.

Uumasorsiuut nalunaatsorsiisarnikkut ilaatigut paasisimavaat nipisaat suffiffigisimasaminnut uterartuartuusut aammalu isorartoorujussuit ingerlaartaraat.

Nipisammik nalunaaqutsikkamik naammattuuissaguit Pinngortitaleriffimmut nassiussinissat taamaattumik pingaaruteqarpoq ingerlaarsimanerat alliartornerallu malinnaaffigineqarniassammata.

Akissarsiat

Nalunaaqutsiussimasamik nassiussiguit akissarsissaatit. Nalunaaqutsersuutaasimasut suunera apeqqutaalluni akissarsitinneqassaatit.

• 150 kr.: Nalunaaqutsiussaq nipisaap angissusaa sumi pisarineqarsimanera qassinullu pisarineqarsimanera ilanngullugit nassiukkukkit.
• 250 kr.: Nalunaaqutsiussaq nipisammiitiinnarlugu, suaalli peerlugit nassiussiguit.

Attaveqarfissaq:

Søren Post Pinngortitaleriffik, Email: sopo@natur.gl, Oqarasuaat +299 36 12 00, Box 570, 3900 Nuuk, Greenland