Ilinniartoqarfik

Pinngortitamik peqqissaanermullu ilinniartoqarfiit

Pinngortitaleriffik pinngortitamik peqqissaanermillu ilisimatusarnermut tunngasunik ilinniartoqarfimmik ilisimatusarfimmillu illuuteqarpoq.
Illu 1500 kvadratmeterimik angitigisoq, illumiippullu ilinniartitsiffiit siuarsimasut, laboratoriat, nakorsaatileriffiit, sulisunut tikeraanullu allaffiit 24-t. Laboratoriat angisuut marluk ilisimatusarnermik ilinniagaqarnermut atortorissaauteqarluarpoq, inersuarmilu atuartitsivimmi nutaaliaasunik videokkut ataatsimiitsitsissutinik atortoqarluni, ataatsimiittarfeqarpoq, nunarsuarlu tamakkerlugu malinnaavigineqarsinnaasumik nunatsinnilu sumiiffinnut assigiinngitsunut aallakaatitsisinnaasumik atuartitsiffeqarluni.
Init nutaaliarpalaartumik ilinniarfittut suliffittullu tulluartumik kusanartumik pequtsersugaapput saqquummiiffissatullu nipigissuullutik.

Ilinniartitsiffiit ukuninnga initaqarput:

SAQQUMMIIFFIK (ini 303)
• 70-inik inoqarsinnaavoq
• Seqersittaat saqqummiissut
• Videokkut ataatsimiissutit
• Nittartakkatigut videomik isiginnaassut (suli atulinngilaq)

Ataatsiimiittarfik (ini 305)
• 14-inik (18) inoqarsinnaavoq
• Skærmi saqqummiissut
• Videokkut ataatsimiissutit

ATUARTITSIVIK (ini 307)
• 18-inik (20) inoqarsinnaavoq
• Skærmi saqqummiissut

KEMIIMUT LABORATORIA (ini 125) – Akoorutissat akuerineqareertut kisimik atoqqusaapput
• 15-inik (20) inoqarsinnaavoq
• Ilinniartunut nerriviit pingasut, kemiimi misissueqqissaarnermi ilinniartitsinermut atortussat, milluaatitallit
• Pujumik milluaatit marluk
• Laboriatoriami atortut aalajangersimasut (aalajangersimasumik atorfissaqartitsiguit apeqqutigiuk)

ATAATSIMOORFIIT
• Kantiina – tuniniaasoqanngilaq sallaalliisoqarnerlu ajorluni (20-nik inoqarsinnaavoq)
• Nerriviit ataatsimoorfiit

Ataatsimiittarfik (ini 304)
• 12-inik (14) inoqarsinnaavoq
• Skærmi saqqummiissut

Ataatsimiittarfik (ini 306)
• 12-inik (14) inoqarsinnaavoq
• Skærmi saqqummiissut

MASATTUNUT LABORATORIA (ini 124) – Akoorutissat toqunartutaqanngitsut akuereriikkat kisimik atoqqusaapput
• 15-inik (20) inoqarsinnaavoq
• Nerrivik laboratoriami tamatigoortumik ilinniartitsinermi atugassaq ataaseq
• Nerriviit laboratoriami tamatigoortumik ilinniartitsinermi atugassat pingasut
• Laboriatoriami atortut aalajangersimasut (aalajangersimasumik atorfissaqartitsiguit apeqqutigiuk)

SULIFFIGINEQARSINNAASUT
• Mikrobiologiimut laboratoria – killilimmik inissaqarpoq (paasisaqarfigerusukkukku apeqqutigiuk)
• Kissarsuuteqarfik (panertitsivik, nipaaruttaatilik, autoklavilu)
• Laboratoriami atortunut atortuusivik
• Ornigulluni suliaqarnermi atortunut atortuusivik

INIT ALLAT
• Ilinniartitsisunut tikeraanut allaffiit arfinillit (paasisaqarfigerusukkukkit apeqqutigikkit)
• Ilinniartunut allaffiit arfinillit (paasisaqarfigerusukkukkit apeqqutigikkit)
• Sulisunut allaffiit aqqanillit
• Peqqissaanermut tunngasut sulisunullu peqqumaasiviit marluk
• Printeri ataaseq kopimaskiinarlu ataaseq
• Perusuersartarfiit