Nattoralik, kissaviarsuk aamma kiinaaleeraq
![](https://natur.gl/wp-content/uploads/2019/08/csm_havoern_hoved_okt08_LMR__4ac785b07c-657x576.jpg)
Nattorallup toqungasup niaqua Pinngortitaleriffimmut anngussaq. Ass.: Lars Maltha Rasmussen
![](https://natur.gl/wp-content/uploads/2019/08/csm_havoern_4___2___9ed01ac443.jpg)
Nattoralik togungasoq qinnguartarlugu misissorneqarmat takuneqarsinnaavoq aallaaneqarsimasoq, amerlasuut 15-it qernertut taluneqarsinnaapput. Ass.: Lars Maltha Rasmussen
Nattoralimmik, kissaviarsummik kiinaaleeqqamilluunniit toqungasumik naammattuuissagaluaruit Pinngortitaleriffimmut nassiutissavat. Timmissat piniaqqusaanngitsut pisarequsaanngillat.
Namminersorlutik Oqartussat maleruaqqusaat normu 5 februarip 2008-meersoq, §17 stk. 4 malillugu, timmissat piniaqqusaanngitsut iluitsuutillugit iml. ilamerngi, nassaartoqartillugu politiinut imal. Pinngortitaleriffimmut tunniunneqartassapput.
Pinngortitaleriffiup timmissat tigutsillit nalunaarsortarpaat, misissorlugillu paasiniarlugu sumik toqquteqarnersut.
Aammattaaq Pinngortitaleriffik timmissanik qaqutigoortunik toqungasunik tigusisarpoq nalunaarsugassanik.