2025-imut raajanik siunnersuineq

Sumiiffik paasisaqarfiginerorusutat iserfiginiarlugu toqqagassat qulaaniittut arlaat tooruk.

2026-imut siunnersuineq

Kitaata Tunullu imartaanni raajarniarnerit pillugit biologit 2025-imut siunnersuinerisa eqikkarnerat

Raajat 75.000 tonsit Kalaallit Nunaata Kitaani 2026-mi pisarineqarnissaat NAFO-p innersuussutigaa, ukiumullu 2025-mut naleqqiukkaanni 5.000 tonsinik ikinnerupput.

NAFO-p mianersortussaatitaanermut periusaa nutaaq (Precautionary Approach Framework) siunnersuinermik, pisat qaffasissusissaannik assigiinngitsunik pisuusaartitsinernik arlalinnik imalimmik, ammaassivoq.

NAFO Tunumi pisat annertussusissaasa aalajangersimasumut inissinneqarnissaat pillugu innersuussuteqanngilaq. Tassunga taarsiullugu siunissami pisaqarnissamut periarfissat 500-minngaanniit 3.000 tonsit tungaannut naatsorsukkat, taakkulu malitsigisaannik aallaavittut aalajangiussat qaangerneqarneranni kingunerisinnaasai saqqummiunneqarput. Pisat annertussusissaat 500 tonsinut inissikkaanni peqassutsip B_lim[1]-ip ataanut inissinnissaanut periarfissaq 10 %-imik annikinnerussaaq. Pisat annertussusissaat 1.000 tonsimut inissikkaanni aalisakkat toqusartut F_lim[2] qaangerlugu inissinnissaannut periarfissaq 30 %-it sinnissavaa, taamaattoqassappallu peqassutsip isasoorneranik kinguneqarsinnaavoq – tamanna pisarineqartartut qaffasissusaasa 1.000 tonsit sinnerlugu inississimagaanni aamma atuuppoq. Siunnersuineq 2025-imi siunnersuinermut toqqaannartumik sanillersuunneqarsinnaanngilaq, tunngavik ukioq manna allanngortinneqarsimammat. Siorna siunnersuinermi tunngaviit aallaavigineqassappata Tunumi 2026-mi 500 tonsit sinnerlugit aalisartoqarnissaa innersuussutigineqanngilaq.

Siunnersuineq tamakkeqqasoq uani aasinnaavat: 2026-imi raajanut siunnersuineq 

Siornatigut siunnersuinerit uani atuarneqarsinnaapput: