Avatangiisinut Aatsitassanullu Immikkoortortaqarfik
Avatangiisinut Aatsitassanullu immikkoortortaqarfimmi biologit ingeniørillu ilisimatusarnerup silarsuaaneersut ingeniørillu siunnersuisarfianneersut sulisorineqarput. Avatangiisit kemi, avatangiisillu uumasuaraasa sunnertissinnaanerat misissorneqartarpavut, soorluttaaq aatsitassarsiornikkut uuliasiornikkullu avatangiisit sunnertittarnerat, nunap iluata mingutsinneqartarnera misissorneqartarpavut saniatigullu aamma ilinniartitsisarluta.
Pinngortitaleriffiup Avatangiisinut Aatsitassanullu immikkoortua upernaami 2014-imi pilersinneqarpoq. Aatsitassaqarneq Kalaallit Nunaata akisussaaffigilermagu aatsitassaqarnerlu pillugu avatangiisinut tunngasut sunniuteqartussat pillugit siunnersuisinnaarusummata, immikkoortortaq pilersinneqarpoq. Immikkoortortaq aningaasaliisarfimmit Oak Foundation-imit Schweizimi allaffeqarfeqartumit aamma Danmarkimiittumit VILLUM Fonden-imit taperserneqarluni pilersinneqarpoq.
Namminersorlutik Oqartussanik siunnersuineq
Kalaallit Nunaanni nunap ataanik atorluaanissamut atatillugu issittumi avatangiisit illersorneqarnissaat pillugit tamatigoortumik Namminersorlutik Oqartussanut siunnersuinissaq immikkoortortap anguniagaraa. Siunnersuisarnerup siunertarai, pinngortitatigut ineriartorneq pitsaasoq, inuiaat nerisartagaat qulakkeernissaat, taavalu nunap aatsitassaatai sumiissusersiniarlugit akisussaassusilimmillu piujuartitsinissarlu siunertaralugu atorneqarnissaat. Tamanna siunnersuineq misissuinermik, nakkutilliinermik allanillu siunnersuisarfinnik ilisimatusarfinnillu suleqateqarnermik tunngaveqarpoq.
Nakkutilliineq
Avatangiisinut Aatsitassanullu Immikkoortortaqarfiup Kalaallit Nunaata avatangiisinik nakkutiginnittuuvoq – tassa nuna, imeq, silaannaq, naatitat, uumasullu nakkutigineqartarput. Nakkutilliinikkut inuit, naasut, uumasullu toqunartunik akoqalinnginnissaat qulakkeerniarneqartarpoq. DCE (Nationalt Center for Miljø og Energi, Aarhus Universitet) suleqatigalugu Kalaallit Nunaanni aatsitassarsiorfinnik suliffiusunik matunikunillu nakkutilleeqataasarput. Nakkutigisanut ilaapput gultisiorfiusimasoq, Nalunaq Nanortallip eqqaaniittoq Qeqertarsuatsiaallu eqqaanni rubin-isiorfik. Nakkutilliinermi imeq, uumasut, immallu naasui akoqalersimanersut misissuiffigineqartarput.
Pisinnaasat
Avatangiisinut Aatsitassanullu Immikkoortortaqarfik makku tungaasigut arlalippassuarnik pisinnaasaqarpoq:
- Avatangiisini issittuniittuni uuliamik aatsitassanillu ujaasinerup kingunerisartagai pillugit siunnersuineq
- Avatangiisini taamaattuni aatsitassanik ujaasinerup kingunerisartagai pillugit ujaasisinnaatitaasut avataaneersut nalunaarusiaannik nalilersuineq
- Issittuni avatangiisit pinngortitamullu tunngasut pillugit nalilersuinernik nalunaarusianillu suliaqartarneq
- Saffiugassat ikummatissallu navianartortaannik nalilersuineq
- Issippallaanngitsuni avatangiisinik alaatsinaanneq
- Nunap sananeqaataasigut pissutsit pillugit assigiinngitsunik suleqataqarneq misissuisarnerlu (GIS)
Suleqatigisat
Avatangiisinut Aatsitassanullu Immikkoortortaqarfiup ilisimatusartarfiit suliniaqatigiiffiillu, Issittuni ajornartorsiutinik avatangiisinut attuumassutilinnik suliallit assigiinngitsutigut suleqatigisarpai. Massakkut siusinnerusukkullu suleqatigineqarsimasut ilaatigut makkuupput:
- The Circumpolar Biodiversity Monitoring Programme (CBMP)
- Adaptation Actions for a Changing Arctic (AACA)
- ASP – Arctic Science Partnership
- Københavns Universitet
- Syddansk Universitet
- Aarhus Universitet
- DTU Aqua
- Internationale organisationer (f.eks. National Marine Mammal Laboratory, NOAA)
Attavissaq:
Imikkoortortaqarfimmi pisortaq Josephine Nymand: jony@natur.gl imal. oqarass. +299 36 12 34.
