Ilinniartitaaneq

Pinngortitamik Ilisimatusarnermik Ilinniarfik Pinngortitaleriffimmut ilaavoq, taannalu 2017-imi illuliami nutaami 1.500 kvadratmeterimik angitigisumi atoqqaartinneqalerpoq. Illuliaq privatimik aningaasaliisunit arlalinnit aningaasalerneqarluni sanatinneqarpoq, ilinniartitsisarfiillu pitsaasut, allaffeqarfiit, qerititsiveqarfiit tikittunullu inissiat illuliami ilaapput.

Pinngortitamik Ilisimatusarfik qaffasissuseq master ilanngullugu ilinniarfigineqarsinnaavoq, tamannalu Pinngortitaleriffiup Ilisimatusarfik Danmarkimilu universitetit suleqatigalugit inerisaasuullutillu ingerlatsipput. Illuliamiipportaaq Kalaallit Nunaanni Peqqissusermik Ilisimatusarfik, taamaalilluni Kalaallit Nunaanni pinngortitamik peqqissusermillu ilinniarnermi qitiusuulluni. Silap Pissusianik Ilisimatusarfik, Pinngortitaleriffimmi immikkoortoqarfiusoq pinngortitamik ilinniagaqarneq annertunerusumik isumagaa, Arctic Science Study Programme (ASSP)-imullu atatillugu pikkorissarfissanik neqeroortarluni.

Pinngortitamik Ilisimatusarnermik Ilinniarfiup aamma Kalaallit Nunaanni Peqqissusermik Ilisiamtusarfiup aningaasanut inatsimmi aningaasaliiffigineqarnera Pinngortitaleriffimmiit allaffissornertaa isumagineqarpoq.

Ilinniartut suliaat

Siunissami qaninnerusumi bachelorinngorniutissat imaluunniit Masterinngorniutissat aallartittussaagukku, suliavit ilisimatusarfik ilinniarfigisat Pinngortitaleriffillu suleqatigalugit suliarinissaanut periarfissaqarputit.

Pinngortitaleriffik atortuuteqarpoq ilinniartut laboratoriami kiisalu pinngortitami suliaqarnerminni atorsinnaasaannik. Asseq: GN.

Aningaasaliissutit

Ukiut tamaasa 15.marts tikitsinnagu aningaasaliissutinik qinnuteqartoqarsinnaavoq. Allagartaa qinnuteqarnissamullu immersugassat qinnuteqarfissanngorpat ilineqassapput.

Ilinniartoqarfik

Pinngortitaleriffiup pinngortitalerinermik peqqinnissaqarfillu pillugu ilisimatusarfia uani paasisaqarfigiuk.