Suleqatiiinnerulernissaq piviusunngortinneqarpoq Saqqummersinneqarfia 20.09.2024

Josephine Nymand isumaqatigiissummik atsiortoq
Isumaqatigiissutip piviusunngortinneqarnera nuannaaritigineqaqaaq
Josephine'p Pinngortitaleriffimmi siulersuisut siulittaasuata oqalugiarnera tusarnaaraa
Pinngortitaleriffiup siulersuisuini siulittaasup Gert Mulvad’ip ilisimatusartoq Lene Kielsen Holm eqqaaniarlugu oqaaseqarpoq, taassumami piniartut suleqatigalugit ilisimatusarnermigut ilimmarfiup Pinngortitaleriffiullu akornganni suleqatigiittoqarnissaanik pingaartillugu aqqutissiorsimammagu. – Taamaattumik Lene’p anersaava malillugu isumaqatigiissut una atsiorparsi, Gerth Mulvad erseqqissaavoq.
Gitte Adler Reimerip Gert Mulvad tusarnaaraa
Biologinngorniarfiup aqutsisua Aviaja L. Hauptmann
Atsioqatigiinnermut arlallit peqataajartorput
Christine Tønnesen, Ilimmarfimmi pisortanngorlaaq

Pinngortitaleriffik Ilimmarfillu annerusumik suleqatigiinnerulissapput 

Pisortaq Josephine Nymand rektorilu Gitte Adler Reimer biologinngorniartussat ilinnialersinnaanerannut tunngasoq isumaqatigiissutaasut ilaattut atsioqatigiipput.

– Biologinngorniartussat saniatigut ilisimatusarnerup tungaatigut peqatigiilluta suliaqarnerulerlutalu aammalu ilisimatusarnermut tunngasunik isumasiuititsisarlutalu ataatsimeersuartitsisarniarpugut, taamaasilluni inuiaqatigiit akuliusimaneriulernissaminnut periarfissaqarnerulerniassammata. Pinngortitaleriffimmi pisortaq Josephine Nymand nassuiaavoq.

Aaqqissuussinerit tamakkua saniasigut Ilimmarfiup allineqarnissaanut suleqatigiinniarput.

– Pinngortitaleriffiup Ilimmarfiullu akornganni isumaqatigiissuteqarnikkut qanimut suleqatigiinnitta ingerlateqqinnissaanut qilanaarpugut, nunattta ilisimatusarnerup ilinniartitaanerullu tungaatigut ilinniartoqarnikkut ilisimatusarnikkullu issittumi ilisimasatigut ineriartortitsinikkullu siuttuujuarniassagatta,  rektori Gitte Adler Reimer ilanngussilluni oqarpoq.

 

Isumaqatigiissutaasut makkuupput:

  • Suleqatigiilluni ilisimatusarlunilu ph.d.-nik ilinniagaqartoqarsinnaanissaa – ilisimatusartut pineqartuni atorfeqartut qanimut suleqatigiinnerulernissaannik qulakkeerinnittoq, ilisimatusarneq aqqutissiuilluartoq siunertaralugu.
  • Ataatsimeersuaqatigiinnerit isumasioqatigiinnerillu – Ilisimasanik avitseqatigiinnissaq anguniarlugu aaqqissuussisassaagut, ilisimatusarfiusut aporfigisinnaasallu pillugit eqqartueqatigiittarnitsigut.
  • SILA biologinngorniarluni bachelorinngorniarneq Pikialaarfimmi ingerlanneqassaaq  – Nunatsinni ilinniarneqarsinnaasut amerlanerulersinneqassapput.
  • Pinngortitaleriffimmi ilisimatusartut biologinngorniarfimmi atorluarlugit – ilisimatusartut pikkorinnerpaat ilisimasaat atorlugit biologinngorniat ilisimasaqalersittarlugit.
  • Biologinngorniarfimmi SILAmi Pinngortitaleriffik peqataatillugu inerisaaqataatillugu – suleqatigiinnertigut ilisimasat nutaanerpaat siuarsimanerpaallu atorluarneqarnissaat qulakkeerneqassaaq.
  • Pisortatigoortumik aaqqissuusseqatigiittarnerit – ilisimatusarnikkut maluginiarneqarnerulernissaq inuiaqatigiinnillu peqataatitsinerulernissaq pilersinniarlugu.
  • Campus 2’p piorsaaffigineqarnissaanut suleqatigiinneq – Ilisimatusarneq ilinniarnerlu pitsanngorsaaffiginiarlugu campus Ilimmarfiup siunissami allisarneqarnissaata anguniarneqarnissaa.