Qalerallit saarulliillu nalunaaqutsersukkat
Uumasut nalunaaqutsersukkat
Uumasoq sorleq paasisaqarfiginiarnerlugu uuma allatap qulaani toqqagassaqarputit
Ilisimatusarnermut ikiuutaallutit nalunaaqutsiissutit nassiutikkit
Uumasut ingerlaarneri alliartornerilu paasissutissanik katersiffiginiarlugit nalunaaqutsiisoqartarpoq. Uumasorsiuut nalunaaqutsiissutit assigiinngitsut uumasunut atortarpaat. Uumasumik nalunaaqutserneqarsimasumik nassaaruit, nalunaaqutsiissut uunga nassiuteqquarput:
Pinngortitaleriffik
Postbox 570
3900 Nuuk
– sumi qangalu nassaarisimanerlugu ilanngutissavat.
Uumasut ingerlaarnerinik misissueriaatsit assigiinngitsuupput, soorlu assammiutaasatut ilusinnik nalunaaqutsersuineq, tags-it, satellitsikkut nassiussuisartut aamma paasissutissanik toqqorterisartut. Nassiussuisunik paasissutissanillu toqqorterisunik nalunaaqutsersuineq nalinginnaasumik nalunaaqutsersuinermit akisunerugaatsiarpoq. Illua tungaatigulli periutsit nutaat atornerisigut nalinginnasumik nalunaaqutsersuinermi paasissutissat pissarsiarineqarsinnaanngitsut piffissap sivikitsup iluani pissarsiarineqarsinnaapput. Periutsinimi taakkunani atuinermi paasissutissat aatsaat pissarsiarineqarsinnaapput, nalunaaqutsiissut imal. atortoq ilisimatusartumut utertinneqarsinnaappat.
Nalunaarutigeqqitaq
Uumasumik nalunaaqutsikkamik pisaqaraanni qanoq iliortoqassava?
Siullermik paasissutissat ukua ilanngunneqassapput: Ulloq, sumiiffik, GPS-eqaraannilu sumiiffik allallugu imal. feltkode normu ilanngullugu.
Paasissutissani pingaaruteqartut ilaat ukuupput, takissusaa/oqimaassusaa, uumasoq sunaava, piaraq imal. inersimasoq (miluumasut, nannut puisillu aamma), qanoq uumasoq pisarineqarsimanersoq, il.il.
Nalunaarsuiffissat uani aasinnaavatit:
Standard indrapporteringsskema
Nalunaaqutsiissutit utertinneqarnerini nalingi
| Timmissap isigaa nalunaaqutsigaq | 100 kr. |
| Timmiaq isikkamigut illuttut nalunaaqutsigaq | 200 kr. |
| Satellitsikkut nassiussuut/paasissutissanik toqqorterisoq timmiartalernagu | 700 kr. |
| Timmiaq ilivitsoq satellitsikkut nassiussuutitalik/paasissutissanik toqqorterutitalik | 1000 kr. |
| Kapisiliup nalunaaqutsiissutaa NASCO lottomi makitassani peqataaneq | 0 kr. |
| Aalisakkani nalunaaqutsiissutit (saarulliit, qaleraliit il.il. aamma assagiarsuit) | 150 kr. |
| Aalisagaq ilivitsoq nalunaaqutsigaq (qalerallit aappaluttunik nalunaaqutsikkat minillugit) | 250 kr. |
| Qaleralik ilivitsoq aappaluttumik nalunaaqutsigaq | 400 kr. |
| Aalisakkamiit dataloggeri (DST) | 500 kr. |
| Dataloggeri (DST) aalisagartaa ilanngullugu | 1500 kr. |
| Puisip nalunaaqutsiissutaa | 200 kr. |
| Puisip nalunaaqutsiissutaa allerualu | 300 kr. |
| Nanup nalunaaqutsiissutaa | 1000 kr. |
| Satellitsimut nassiussuisoq aavermeersoq (nannunit, puisinit il.il.) | 2000 kr. |
Eqqaamallugu paasissutissat ilinnut tunngasut ilanngutissagakkit: Konto nr. tlf.nr, e-mail aamma adresse.
Ajornanngippat uumasup pisarineqartup assia ilanngunneqarsinnaavoq.
Inussiarnersumik inuulluaqqusilluta
Pinngortitaleriffik
Kivioq 2, postboks 570
3900 Nuuk, Grønland
Tlf.: +299 36 12 00 – Fax +299 36 12 12
e-mail: adm@natur.gl
