Uumasut iloqissersimasut
Avannaarsuani uumasut iloqissersimasut soqutigineqarnerannut atatillugu Danmarks Miljøundersøgelser Arktisk Afdeling aamma Pinngortitaleriffik nappaatinut nalinginnaasunut ajoqutinullu piniakkaniittartunut assigiinngitsunut tunngatillugu assiliartalimmik nassuiaatitalimmillu nalunaarusiorsimapput.
Nalunaarusiaq kalaallitsut qallunaatullu oqaasertalik uani aaneqarsinnaavoq:
Uumasumik nassaaruit pisaqaruilluunniit nalunaarumiinngitsumik iloqiaassutilimmik, taava Pinngortitaleriffik mailikkut telefonikkulluunniit attavigiuk sapinngisamik sukumiisumik nassuiaaserlugu ajornanngippallu assiliartalerlugu allagisaq takussutissartalerlugu. Uumasup ilaa qanoq angitigisoq misissuinermi pisariaqartinneqarnersoq oqaloqatigeqqaartinnata nassiutissanngilat. Pinngortitaleriffiup nassiussineq akilissavaa uumsoq taassumaluunniit ilamerna Pinngortitaleriffimmut nassiunneqassappat, Pinngortitaleriffiullu uumasup ajoqutaata suunneranik suusinnaaneranilluunniit ilisimatikkumaarpaatit, ajoqutaa paasineqassagaluarpat.
Uuma natsip isai “cleft eye”-imik taaneqartarput, tassa imaappoq isai naqitsineqarpallaarlutik aseruuttoorsimapput, tamatuma ersersippaa puisi sukkornermik nappaateqartoq. Assiliisoq: K. Thorleifsen, Upernavik Kujalleq.
Assilissat nassuiaatillu e-mailikkut nassiussinnaavatit uunga: aqqalu@natur.gl assilineralu uunga: pehe@natur.gl aamma telefonikkut saaffiginnissinnaavutit uunga +299 36 12 00 imal. Aqqalu Rosing-Asvid, +299 36 12 47
Saniatigut paasissutissat piniagassat nerisassallu pinngortitami toqunartoqarsinnaanerinut uumasuaqqallu aammik milluaasartunik (parasitter) peqarsinnaanerinik oqaluttuartut Paarisap nittartagaani aaneqarsinnaapput.
Qilalukkap qernertap niaqua marlunnik tuugaalik, Qaanaami. Assiliisoq: A. Rosing-Asvid
