Aatsitassarsiorneq piiaanerlu
Aatsitassarsiortoqassatillugu sumiiffinni misissuinerit ingerlanneqartarput nunami tamaani qaarsup sannai suunersut paasiniarneqaatigalutik. Ingerlatat tamakkua avatangiisinut pinngortitamullu sunniuteqarsinnaapput assersuutigalugu angerlassinikkut uumasoqarnera akorngusersorneqartussaagami, ingerlatsinermilu qillerinerni maskiinanilluunniit atuinikkut mingutsitsisoqarsinnaagami. Siunnersuisartut sulinerminni nunap assingi atortarpaat uumasoqarneratigut mianerisassat sumiinnersut allattorsimaffianneersut, imaluunniit uumasoqarneranut tunngatillugu ilisimasat nutaanerpaat aallaavigineqartarput, atortullu kemikaliaasa akuutissartai pinngortitamut allatigulluunniit sunniuteqartussaanerit ilisimatitsissutigineqartarput.
Aatsitassanut inatsit malillugu siunnersuinerit suliniutip ilaani avammut matoqqasuusarput. Taamaattumillu suliat avammut saqqummiunneqarsimasut kisimik uani saqqummersinneqarput. Atortut aamma saqqummiunneqartarput pisortatigoortumik tusarniaanerit ingerlanneqartillugit.
Namminersorlutik Oqartussat nittartagaanni www.govmin.gl/minerals nassaassaapput aatsitassarsiornissaminnut aammalu piiaanissaminnut kikkut akuersissuteqarfigineqarsimanersut.
Piiaaneq
Siunnersuineq
Avatangiisinut Aatsitassanullu Immikkoortortaqarfik pisortanut akisussaasunut siunnersuisartuuvoq – Avatangiisinut Aqutsisoqarfimmut – tassa aatsitassarsiortoqartillugu avatangiisinut ajornartorsiortitsisuusinnaasumik sunniutaasinnaasunut tunngatillugu. Aatsitassanik misissuinerit suliffeqarfinnik, ilisimatusarnermik ingerlatsiviusunik ataasiakkaaniillu ingerlanneqartarput.
Aatsitassaqarsinnaaneranik misissuisoqassatillugu, aammalu sumiiffinni misissuisoqassatillugu siunnersuinerit ingerlanneqartarput.
Suliniutitullu ingerlataq piiaanissamut nuukkaangat immikkoortortaqarfik aamma siunnersuisoqartussaavoq suliaqarnissamut akuersisoqassanersoq, VVM-imik, tassa avatangiisinik naliliinernik ingerlatsisoqartartussaavoq kiisalu sanaartortoqassatillugu, ingerlatsinermi aammalu piiaaffiusoq matussatillugu misissuinerit ingerlanneqartartussaapput.
Siunnersuineq ingerlanneqartarpoq DCE Aarhus Universitetimi, Danmarkimiittoq suleqatigalugu.
Aatsitassanut inatsit malillugu siunnersuinerit suliniutip ilaani avammut matoqqasuusarput. Taamaattumillu suliat avammut saqqummiunneqarsimasut kisimik uani saqqummersinneqarput. Atortut aamma saqqummiunneqartarput pisortatigoortumik tusarniaanerit ingerlanneqartillugit.
