QEQERTARSUUP TUNUA MEEQQANUT ILINNIAR-TITSISSUTITUT Saqqummersinneqarfia 28.06.2024

Meeqqanut atuartitsissutissat arfineq-pingasut kalaallisut qallunaatullu Qeqertarsuup Tunuani uumasoqarneranik Issittumilu silap allanngornernut tunngasunik imallit saqqummersinneqarput. Atuakkat arfinillit Pinngortitaleriffimmi aammalu Silap Pissusianik Ilisimatusarfimmi ilisimatusartunit allataapput. Atuakkat nunatsinni atuarfinnut tamanut agguaanneqartussaassapput nunatsinni Ilinniartitaanermut Aqutsisoqarfik aqqutigalugu.

Qeqertarsuup Tunua uumasoqarfioqisoq atuakkani sammineqarpoq, illeqqat mikigaluaqalutik aalisagarpassuarnik arfernillu annernik, soorlu arfivinnit pingaarnertut nerineqartarput. Qeqertarsuullu Tunuani silap allanngoriartornera erseqqarinnerpaamik takuneqarsinnaasarpoq, allanngoriartornerlu inunnut uumasunullumi annertuumik sunniuteqartarpoq.

Atuakkat aqqutigalugit meeqqat imaanut aqqartinneqassappullusooq, ilisimatusartullu uumasut tupinnaqisut, siku, silap pissusia aammalumi arferit annerit qanoq ilisimatusarfigineqartarnersut atuakkatigut ilinniartitsissutigaat.

Atuakkat saqqummersinneqarput saqqummersitsisarfimmit Epsilon-imik, atuakkat ilisimasaqarnerulernissamut nuannarisalinnut atuagassiaasartunut ilanngullugit Aage V Jensen Charity Foundation’imik aningaasaliiffigineqarnermikkut saqqummersinneqarsinnaanngormata. Ilisimatusarfigisamut DISKO live-mut saqqummersitat ilaatinneqarput, ilisimatusartuunermik Outi Tervo’mik Pinngortitaleriffimmeersumik aqunneqartumik. Ilisimatusarnermik suliniummi tassani Qeqertarsuup Tunuani uumasoqarnera pillugu ilisimasaqarnerulersitsisoqartussaagami, silallu pissusiata allanngoriartornerata issittumi uumasut qanoq sunnerneqarnersut ilisimaneqalertussaassalluni. Suliniut taanna annerusumik uani paasisaqarfigisinnaavat www.diskolive.com

Sukumiinerusumik paasisaqarniaraanni attavigisassaq:

DISKO live pillugu paasisaqarneruniaraanni attavigineqarsinnaavoq Miluumasunut Timmissanullu Immikkoortortaqarfimmi ilisimatusartuuneq Outi Tervo, outi@ghsdk.dk