Kunngissakkut Pinngortitaleriffimmi ullup qeqqasiorput Saqqummersinneqarfia 08.08.2014

Assimi: Naasunik tunisisoq Solomé Ugarte Simon aninilu Ari-Napaaq Ugarte Simon Kunngissakkunnik tikilluaqquseqqammerput. Assiliisoq: Fernando Ugarte.

Allattoq:  EmKr/PeMi

Nunatta eqalussuaa miiterip aappaata qeqqata missaanik takissusilik, Tunup imartaanit avaleraasartuut oqquteqqammisut, nipisat suallit, saarulliit kiisalu arfernik nalunaaqutsersuinerni atortut aammalu arferit ilisarnaataannik takutitsisoq plakaati. Tamakkuupput Pinngortitaleriffiup suliassaqarfiinik takussutissiisut ilamerngi Kunngissakkut ullumi pulaarneranni saqqummersinniarneqartut.

Pinngortitaleriffimmi pisortap Klaus Nygaardip Kunngissaq nulialu takornarniartippai. Angallassereernerup kingorna ullup qeqqasiorneqarpoq nunatta mamartuutaanik sassaallertoqarluni.

Kunnngissakkut Issittumi ilisimatusarnernik soqutigisaqarnertik takutippaat, minnerunngitsumik Pinngortitaleriffiup kalaallini inuiaqatigiinni atuuffianik soqutiginninnertittaaq ersersillugu.

Misissuisarfimmi Immikkoortortami pisortaq Helle Siegistad eqalussuarlu utaqqipput, Pinngortitaleriffiup pisortaa Klaus Nygaard angallassisuuvoq. Assiliisoq: Fernando Ugarte.

Uani arfernik nalunaaqutsersuisarnerit oqaluttuarineqarput. Assiliisoq: Fernando Ugarte.

Assiliisoq: Fernando Ugarte.