Tuttut 40-it GPS-ilimmik qungasequtsikkat pisarinaveersaalaarsigit

Pinngortitaleriffik april 2024-imi Kangerlussuup Sisimiullu eqqaanni tuttunik 40-nik GPS-italinnik qungasequtsersuivoq. Tuttut ukiuni tulliuttuni tallimani nikittarneri ingerlaartarnerilu malinnaaffigisinnaalerusullugit. Ukiup nikerarnera malillugu tuttut sumiiffinni susarnersut, nikittarnerilu makkunannga qanoq sunnerneqartarnersut paasisaqarfigissavagut:

• Apummit, sermimit silallu ississusaanit kiassusaanilluunniit
• Naasunik qanoq neritigineri, naasullu najuuffiini suunersut
• Inuit, snescooterit angallatillu allat angalaarnerinit

Qanoq iliussavit?

Kulavak qungasequtilik norraallu pisarinagit, ukiuni tallimani uumaniassammata!

• Piaarinaatsoornikkut tuttu qungasequtilik pisarisuussagukku:
  • Qungasequtaa siuailu (kigutai saarliit) alliit imaluunniit allerui tunniutikkit nassiullugilluunniit

Tuttut 38-it siutimikkut nalunaaqutillit pisarineqarsinnaapput

Pinngortitaleriffik tuttunik 38-nik siutaasigut nalunaaqutsersuisimavortaaq (qungase-quteqanngitsunik). Nalunaaqutalinnik pisaqarnermi, siuai alliit alleruiluunniit Pinngortitaleriffimmut nassiunneqarsinnaapput, makkunannga paasisaqarfiginiassagatsigit:

• peqqissusaa (miluuttoqarnersoq nappaalanersorluunniit)
• timaata qanoq issusaa ilumioqarnersorlu
• nerisai

Qanoq iliussavit?

• Tuttumik siummigut nalunaaqutsikkamik pisaqaruit, toqungasumilluunniit naammattoorsiguit:
  • Siuai alliit alleruiluunniit ilanngullugit nassiussinnaavatit tunniukkiartorlugilluunniit, tuttup sumi pisarineqarnera paasissutissiissutigiutigalugu.
• Tuttumik siutimigut nalunaaqutalimmik takuguit normualu atuarsinnaagukku:
  • Nalunaaqutaata normua tuttullu sumiiffigusimasaa uunga nalunaarutigiuk: tuttu@natur.gl.

Nalunaaqummik, siuaanik allerunilluunniit tigusaqarsimaguit (qungasequlluunniit)

Nalunaaqutit, qungasequtit siuaat, alleqqullu tunniunneqarsinnaapput/nassiunneqarsinnaapput:

• Najukkami piniarnermut nakkutilliisumut/UNESCO Park Rangerimut
• Qeqqata Kommuniani Sullissivimmut
• Pinngortitaleriffik, Postboks 570, 3900 Nuuk.

Inussiarnersumik inuulluaqqusilluta
Pinngortitaleriffik

Attavissaq:      tuttu@natur.gl
Miluumasunut Timmissanullu Immikkoortortaqarfik

Tuttut GPS-italinnik qungasequtillit piaraallu pisareqqusaanngillat

Nalunaaqqutaa		Pisarineqaq-qusaappat?	Pisat toqoreersimasullu assigiimmik iliuuseqarfigikkit
Qungasequt nassitsissutilik + siutaani nalunaaqqut		Naamik!	Nalunaaqutsiut siuaavi alliit allerualuunniit, tuttullu sumiissusaa ilanngullugit ·      najukkanni piniarner-mut nakkutilliisumut / UNESCO Park Ranger-imut, ·      Qeqqata Kommuniani Sullissivimmut ima-luunniit ·      Pinngortitaleriffik, Postboks 570, 3900 Nuuk -mut Nassiuguk tunniulluguluunniit.
Siutimigut nalunaaqutsigaq		Aappi

Tuttut nalunaaqutsersornerisa inerneri siulliit

Nalunaarsukkaat takutippaat, tuttut 40-t GPS-italinnik qungasequtsikkat apriilimi sumiiffimminniiginnartut. (takussutissiaq 1).

Takussutissiaq 1. Tuttut 40-t sumiinnerinik qungasequtit GPS-itallit takussutissiipput Kangerlussuup Sisimiullu eqqaanniittunut. Uani ersippoq 15. apriilimiit 15. junimut 2024 (saamerleq) qungasequtillit sumiiffii.

Norraatsoq qungasequteqarlunilu siutimigut nalunaaqutsigaq uani ersippoq.

Apriilimi norraatsut agguaqatigiissillugu 77 kg oqimaassuseraat. Norraatsut annersaat 90 kg-nik oqimaassu-seqarpoq. Apriilimi timaa peqqissuusimaqaaq, piffissami tassani oqinnerpaaffigisaramikku (Takussitissiaq 2).

Takussutissiaq 2. Tuttut iperartinnagu uuttortarneqartoq

Norraatsut affaasa missaat ukioqqaarnerani norrisimanngillat (milutitsinnginnamik Takussutissiaq 3),  tamarmilli ilumioqarput.

Tuttut tamarluinnangajammik (90%ii) qiteralimmik nalaanni miluuttoqarput. (Takussutissiaq 4)

Attavissaq:      tuttu@natur.gl
Miluumasunut Timmissanullu Immikkoortortaqarfik