Atlantikup avannaani aarluit pillugit ilisimasat nutaajunerpaat katersorneqarput Saqqummersinneqarfia 18.09.2019

Atlantikup avannaani aarluit pillugit ilisimasat nutaajunerpaat katersorlugit allaaserisaq ilisimatuussutsikkut allaaserinninnernik saqqummiussisarfimmi tutsuiginaateqarluartumi Mammal Reviewimi ungasinngitsumi saqqummiunneqarpoq.

Norgemi aarlugit siornatigut assut piniarneqartarsimapput uumasupiluttut isigineqarlutik taamaattumillu Norgemi Islandimilu toqorarneqartarsimaqaat, Islandimilu uumatillugit pisareriarlugit nunarsuaq tamakkerlugu uumasuusivissuarnut tuniniarneqartarsimapput.

Norskit Islandimiullu 1980-ikkut ingerlaneranni aarlunniatarnerisa unitsinneqarnerisa kingunerisaanik aarloqassuseq pitsaap tungaanut saakkiartulersimavoq.

Silap pissusiata allanngoriartornerata kingunerisaanik aarluit Issittup imartaani siaruaannerulersimapput. Aarlunnut aporfissat nutaat ilagaat akoorutissanik kemiskiusunik imaani mingutsisinerit, uani pingaartumik pineqarlutik aarluit imaani miluumasunik nerisaqartartut aammalu Europami illoqarfissuit eqqaanni siaruarsimaffeqartut.

Allaaserisamittaaq ilanngunneqarpoq Kalaallit Nunaanni aqunneqanngitsumik aarlunniartoqartarnera ajornartorsiortitsilersinnaasoq. Ingammik nunatta kangiata imartaani aarlunniartarnerit ukiuni kingulliunerusuni nalinginnaagaluttuinnalernerini. Tappavani aarlunniartarnerit ilumut piujuartitsiniarnermik tunngaveqarnersut piniarneqarnissaminnulluunniit amerlassusiat naammannersut ilisimaneqanngilaq.

Aallaaserineqarsimasunik katiterilluni suliaqarneq NAMMCO-p inniminnigaraa, Pinngortitaleriffimmeersorlu Fernando Ugarte allaqataavoq.

NAMMCO-p nittartagaani allaaserisaq tamakkerlugu uani atuarneqarsinnaavoq.

Annerusumik paasisaqarniaraanni:
Annerusumik paasisaqarniaraanni attavigineqarsinnaavoq Fernando Ugarte feug@natur.gl oqarasuaat 52 24 01-mut sianernikkut.