USA-mi sakkutuunut imarsiortunut ministeri Pinngortitaleriffimmut pulaarpoq Saqqummersinneqarfia 11.10.2010

USA-mi sakkutuunut imarsiortunut ministeri, Ray Mabus, ullaaq manna Titken Jakobsenip erinarsortartoqatigiivisa Qissiat erinarsugaat Inuuissiortoq Pilluarit tusarnaartiutaa Pinngortitaleriffimmi tikilluaqquneqarpoq. Nalliuttorsiortup malunnartumik attortisimasup erinarsoqatigiinni ilaasortat tamaasa ataasiakkaarlugit nalliuttorsiornermi kusanartumik nuannersumillu erinarsornerat pillugit qujaffigai.

Tamatuma kingorna pisortaq, Klaus Nygaard aamma Silap Pissusianik Ilisimatusarfimmi aqutsisoq, Søren Rysgaardip, Pinngortitaleriffimmi aamma Silap Pissusianik Ilisimatusarfimmi takornariartitsipput. USA-mi sakkutuut imarsiortut ministeeriaqarfiani Office of Naval Research-ip siusinnerusukkut University of Washington aamma Pinngortitaleriffik suleqatigalugit ilisimatusarnermik pilersaarusiarujussuaq tapersersorsimavaa sakkutuunullu imarsiortunut ministerip Issittumi pisuussutit uumassusillit aamma nunarsuarmi tamarmi oqaluuserineqartoq silap allanngoriartornera pillugu ilisimatusarnerit soqutigisorujussuuai.

Danskit sakkutuuisa imarsiortut ukiunik 500-nik nalliuttorsiornerat pissutigalugu Ray Mabus nunatsinnut tikeraarpoq.