Avatangiisinut Immikkoortortaqarfimmi sulisussamik Pinngortitaleriffik pissarsiorpoq Saqqummersinneqarfia 24.03.2023

Nunatta pinngortitaanik misissueqataarusuppit Naalakkersuisunullu/Namminersorlutik Oqartussanut siunnersortaaqataarusuppit?

Pinngortitaleriffimmi Avatangiisinut Aatsitassanullu Immikkoortortaqarfimmi VVM-imik immikkut ilisimasalimmik pimoorussillaqqissumik, suliamik aqutsinermik aningaasaateqarfinnullu qinnuteqartarluni ilisimatusarnikkut ineriartortitassanik misilittagaqartumik pissarsiorpugut.

Pinngortitaleriffik, Namminersorlutik Oqartussanut allanullu siunnersortaasartoq, ilisimatusartartumik seniorforskerinik seniorrådgiveritulluunniit allagartaqartumik Avatangiisinut Immikkoortortaqarfik sulisussarsiorpoq 1. juuni 2023 sukkanerpaamilluunniit sulilersinnaasumik. Avatangiisinut Immikkoortortaqarfiup siunnersuisarnermik suliaqarnerata saniatigut ilisimatusarnermik aallussiffiusarpoq aatsitassarsiornissamullu misissuinerit piiaasoqarnerilluunniit nalaanni avatangiisit pinngortitallu innarlerneqannginnissaat annikinnerpaamilluunniit sunnerneqarnissaat anguniarlugu nakkutilliinermik suliaqartarluni.

Immikkoortortaqarfimmi atorfik una sulisooreersut amerlissutigisussaavaat.

Sulisussarsiorneq pillugu sukumiinerusumik paasisaqarit uani