Josephine Nymandip Pinngortitalerimmi pisortatut ivertinneqarnera Saqqummersinneqarfia 08.09.2023

Klaus Nygaard
Nunalerinermut, Imminut Pilersornermut, Nukissiutinut Avatangiisinullu naalakkersuisoqarfimmi pisortaq Natuk Lund Olsen
Pinngortitaleriffiup siulersuisuisa siulittaasuat Gert Mulvad
Pisortartaaq Josephine Nymand

Josephine Nymandip pisortatut nutaatut ivertinneqarnera tallimanngornermi 1.september 2023 persuarsiorpalaartumik malunnartinneqarpoq.

Josephinep ukiorpassuani suleqatigisimaneratigut qanoq pisinnaasaqartiginersoq qanorlu tunniussaqassanersoq ilisimaaralugu Pinngortitaleriffiup siulersuisuini siulittaasoq Gert Mulvad oqarpoq, siunissamilu suleqatigilernissaa qilanaarinerarlugu.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortap Natuk Lund Olsenip pisortanngorlaap qanimut suleqatigilernissaa kissaatigaa, Nunatsinni Ilisimatusarnermi Siunnersoqatigiinnilu siulittaasuunerani suliai immikkut taavai, siunnersuisoqatigiit Kalaallit Nunaanni inuiaqatigiinnut ilaalersimanerat angusimanerarlugu. Natuk Lund Olsenip aamma taavaa Josephine Nymandip Klaus Nygaard siullersaalluni kingoraaraa kiisalu Pinngortitaleriffimmi arnani siullersaalluni pisortanngormat.

Josephinep Pingortitalerimmi pisortatut toqqarneqarsimanera Klaus Nygaardip nuannaarutiginerarpaa, nalunagu suliffeqarfik nammineq ineriartortissimasani nangillugu ineriartortitsiumaartoq.