Issittumi Atlantikullu avannaani aarluarsuit assigiinngitsut pillugit suliniut nutaaq Saqqummersinneqarfia 10.07.2024
Aalisartut piniartullu Maniitsumeersut Nuummeersullu misissuinernut ikiuussinnaanngorput ukunatigut: aarluarsuk qaqortumik sorlulik, aarluarsuk nalinginnaasoq kiisalu niisarnamik pisaqarunik pisamik ilaanik misissugassamik aggiussinermikkut imaluunniit nassiussinermikkut.
Maniitsumiit Nuummiillu misissugassaq ataaseq 500 kronenik aningaasannassutigisartussaavaat.
Suliniutitsinni aarluarsuit assigiinngitsut DNA-vi atorlugit makkua misissuiffiginiarpagut:
i) Issittumi/Atlantikup avannaani uumasoqatigiit ataasiunersut arlaliunersulluunniit misissussavarput,
ii) Uumaasut nunatsinniittut immikkoortuunersut imaluunniit Island-imiittut, Norgemiittut, Canadamiittut, Savalimmiuniittut Europalluunniit imartaaniittut ilaqutarineraat misissorniarpagut,
iii) Silap pissusaata allanngorsimanerata uumasoqatigiinnut sunniisimanera paasiniarneqassaaq.
Misissuinerup inerneri aarluarsuit/arferit aqunneqarnerisa pitsanngorsarnissaannut uumasoqatigiillu peqqissuunissaannut ilapittuutaassapput. Suliniut tassaavoq Savalimmiuni Ilisimatusarfiup, Globe Institute-p, Københavnimi Ilisimatusarfiup Pinngortitaleriffiullu akornanni suleqatigiiffik. Suliniut Savalimmiuni Nunatsinnilu Ilisimatusarnermut Siunnersuisooqatigiivinit aningaasaligaavoq.
Aalisartut piniartullu Maniitsumeersut Nuummeersullu kalaallisut immersugassaat aajukua: