Avaleraasartuut Atlantikup avannaata kangiani

2023-mut siunnersuineq

Siunnersuineq atuuttoq silittumik allaqqavoq. Siunnersuineq siornarnisaq uingasumik allaqqavoq.

Atlantikup Avannamut kangiani

Kalaallit Nunaata, Islandip, Norgep, Savalimmiut, Ruslandip, EU-llu aalisartarpaat

Siunnersuinerup itisilernera

Avaleraasartuut Atlantikup Avannamut Kangiani (S. scombrus)

Avaleraasartuut Atlantikup Avannamut Kangiani eqimaffeqarput. Avaleraasartuut tamaaniittartut Atlantikup Avannamut Kitaaniittartunit (USA-p Canada-llu tungaaniittartut) kingornuttakkamikkut assiginngissuteqarput. Avaleraasartuut nunatta imartaaniittartut Atlantikup Avannamut Kangianiittartunit kingoqqisuupput.

Siunnersuineq 2023-moortoq ukiormannamut 2022-mut siunnersuinermut saniliullugu 2 %-inik appariaateqarpoq. Aalisagaqatigiiaat angisoorsuartut nalilerneqarput, kisiannili aalisarneqarpallaarnerisa kingunerisaanik (siunnersuisarnerit sippungaatsiartaqalugit) aalisagaqatigiiaat millliatulersimapput (ikiliartulersimappput). Aalisarneqarsinnaalerumaartussat takkussuuttut amerlassusiat nalileruminaatsinneqarpoq.

Naalagaaffiit 20-nit amerlanerusut aalisaqataasarput. Nunarput 2011-miit avaleraasartoorniaqataasalerpoq. ICES WGWIDE naliliivoq 2022-mi avaleraasartoortat katillugit 1.131.416 tonsiusimasut, tamaalilluni siunnersuinermi pisassiissutigineqarsinnaasutut innersuussutigineqartut sipporujussuarneqarlutik. Kalaallit Nunaanneersut avaleraasartoorniartartut Tunup imartaani pisaqarsimanngillat, kisiannili norskit imartaanni nunat tamalaat imartaanni 17.082 tonsinik pisaqarsimallutik. Avaleraasartuunik aasarmanna misissuinerit aammaarlutik takutippaat avaleraasartuut kangimukarpallaaratik Norskehav-imut ingerlaarsimasut, ilarpassuili aamma Island-ip imartaaniiginnarsimapput. Aamma ilaat, tassa 0.6 %-ii nunatta imartaaniissimapput, immikkoortumi EEZ-mi Jan Mayen-ip avannaatungaaniittumi. Avaleraasartuut ukiormanna avannamut ingerlaarsimasut kimmut illusinniarsimapput, naak ukiuni siuliini kangisinniarnerullutik avannamukaasarsimagaluarlutik.

Takussutissiaq 10. Atlantikup Avannaata Kangiani avaleraasartoortarineqartartut (saamerleq) aalisarneqarsinnaa-lerumaartussallu (talerperlermi) amerlassusiat.

Takussutissiaq 11. Atlantikup Avannaata Kangiani avaleraasartoqassutsimit ilanngaatit (saamerleq) suffisinnaas-ullu oqimaassusinngorlugit amerlassusiat (talerperleq).

Eqikkaaneq tamakkeqqasoq uani aasinnaavat: Aalisakkat immap ikeraneersut pillugit ICES-ip 2023-mut siunnersuinerata eqikkarneqarnera

Siornatigut siunnersuinerit uani takusinnaavatit: