Nuuk
2022-mut siunnersuinerit
Siunnersuineq atuuttoq silittumik allaqqavoq. Siunnersuineq siornarnisaq uingasumik allaqqavoq.
| Nuuk | 522 tons |
| Siunnersuineq 2021 | 647 tons |
Siunnersuinerup itisilernera
NAFO sineriatta qanittuani imartatta immikkoortuini arfinilinni qaleralittassat pillugit siunnersuisarpoq:
| Sinerissap qanittuani* | Upernavik |
| Uummannaq | |
| Qeqertarsuup Tunua | |
| Sisimiut-Maniitsoq | |
| Nuuk | |
| Paamiut-Qaqortoq |
*Kitaani sinerissap qanittuani sumiiffinni arfinilinni Namminersorlutik Oqartussat peqqusinerat malillugu ukiunut marlunnut siunnersuineruvoq.
Nuuk
NAFO-p innersuussutigai Nuummi pisarineqartartut ikilisinneqassasut, 2021-mi 647 tonsinut 2022-milu 522 tonsinut. Nuummi 2020-mi pisarineqarsimapput 855 tonsit. Piujuartitsiniartumik aalisartoqassappat pisat 398 tonsit qaangissanngikkaat nalilerneqarpoq.
Takutitassiaq 7. Nuummi sinerissap qanittuani qalerallit. Pisat (saamerleq), angissusiat agguaqatigiissillugu (qiterleq) pisarineqartullu amerlassusiat (talerperleq).
1980-ikkut naalerneranniit pisarineqartartut ikissimapput (Takutitassiaq 7, saamerleq). Qalerallit pisarineqartartut 2013-imiilli amerlisimaqaat, aalisakkalli agguaqatigiissillugu angissusiat millisimavoq (Takutitassiaq 7, qiterleq). Pisarineqartartut 2009-miilli pisarineqartartut affarinngisaalluunniit pisarineqartalersimapput (Takutitassiaq 7, talerperleq). Ukiuni sisamani kilisaammik misissuisimanerit paasissutissartai pissarsiarineqarsinnaasut malillugit peqassuseq oqimaassusinngoraanni aalaakkaavoq, qaleraleeqqanillu pisarineqarsinnaalertussanik takkussuuttoqarluartoq takuneqarsinnaavoq.
Sinerissap qanittuani qalerallit
Sinerissap qanittuani qaleralittassatut innersuussutaasut Upernavimmi, Uummannami, Qeqertarsuup Tunuani, Sisimiut-Maniitsoq, Nuuk aammalu Paamiut-Qaqortoq ukiuni marlunni atuuttussaapput, 2021-2022-mut tunngasuullutik. Qeqertarsuup Tunuaneersunut siunnersuineq siullermeerutaasumik 2020-mi pivoq. Paasissutissat takutitaat malillugu pingaaruteqartumik allanngortoqanngilaq, taamaattumillu siunnersuineq allannguuteqanngilaq.
Aalisakkanut siunnersuinermut atuuttumut eqikkaaneq tamakkeqqasoq uani aaneqarsinnaavoq: ICES-imit NAFO-millu aalisakkat assigiinngitsut pillugit 2022-mut siunnersuinerit eqikkarnerat
Siornatigut siunnersuinerit uani takusinnaavatit:
| 2021 | 2020 | 2019 |
| 2018 | 2017 | 2015 |
| 2014 | 2012 | 2011 |
| 2010 | 2009 | 2008 |
| 2007 |
