Biologillu attaveqatigiigitsi Saqqummersinneqarfia 16.08.2012
Pinngortitaleriffik qarasaasiakkut attaveqatigiittarfimmik Ilisimasavumik taaguuserneqarsimasumik nunatsinni pinngortitamik atuisuusut Pinngortitaleriffimmilu ilisimatusartartut attaveqatigiittarfissaannik tallimanngornermi 17. august 2012 atuutsitsilerpoq. Qarasaaasiakkut attaveqatigiittarfimmik pilersitsinikkut siunertaavoq nunatsinni pinngortitaq, aalisakkat piniagassallu pillugit ilisimatusartartut siuliani taasatsinnik atuisuusullu akornanni ilisimasanik tunioraateqatigiittarnissaq.
Taamatut pilersitsinikkut Pinngortitaleriffimmeersut kissaatigaat takussutissiussallugu pinngortitamik atuisuusut isumaannik tusaaniartuunertik aammalu ilisimatusartartut suliaat angusarisartagaallu pillugit oqalliseqateqarnissamik isummersoqatigiinnissamullu ammasuunertik. Aamma Pinngortitaleriffimmi sulisunut apeqquteqartarnissamut periarfissaqassaaq.
Ilisimasavut Pinngortitaleriffiup nittartagaani www.natur.gl –imiippoq. Qarasaasiatigoortumillu attaveqaateqanngikkaanni oqaatigiumasat, apeqqutigiumasat imaluunniit arlaanik maluginiarsimasanik oqaluttuassaqaraanni SMS-ertoqarsinnaavoq imaluunniit Ilisimasavut oqarasuaataanut 539200-imut sianertoqarsinnaavoq. Oqaatsit nammineq iluarinartinnerusatit atorlugit saaffiginnissinnaavutit.
” Attaveqatigiittarfik Ilisimasavut aqqutigalugu kissaatigaarput aalisartut, piniartut allallu pinngortitamik atuisuusut akornanni suleqatigiinnerup siuarsarnissaa, taamaalilluni pinngortitami ataqatigiissutsit pissutsillu paaseqatigiissutigineqarnissaat pitsanngorsarneqassalluni, Pinngortitaleriffimmi pisortaq Klaus Nygaard oqarpoq kikkullu tamarmik Ilisimasavumik atuinissaannik kaammattuilluni.
Ilisimasavut pilersinneqarnissaa piviusunngorsinnaalerpoq Danmarkimi Avatangiisinut Aqutsisoqarfiup aningaasaliissuteqarneragut.
Ilisimavut sanarfineqarnera isikkussaalu Nina Spore Kreutzmann-imit suliarineqarpoq, assillu attaveqatigiittarfimmi pinnersaataasut assiliisumit nersorniarneqartaqisumit Pinngortitaleriffimmilu biologiusumit Carsten Egevang-imit assilisaapput.
Itinerusumik paasisaqarusunnermi saaffigisasat:
Pinngortitaleriffimmi pisortaq Klaus Nygaard, 361200 (danskisut) imaluunniit:
Attaveqatigiinnermut pisortaq Emma Kristensen, emkr@natur.gl, 361254 (kalaallisut danskisullu)
