Disko LIVE Kunngikkunnit alakkarneqartoq Saqqummersinneqarfia 11.07.2024
Kunngi Frederik aammalu Dronning Mary’p nunatsinnut tikeraarneranni ilisimatusarnikkut suliniut Disko LIVE pillugu kunngimut, dronningimut, Princesse Josephinemut, Prins Vincent’imullu minnerunngitsumillu naalakkersuisut siulittaasuannut Pinngortitaleriffimmiit saqqummiussaqarsinnaasimavagut.
MELLEMRUM
Angalaqatigiit Qeqertarsuaq tikeraarmassuk illoqarfimmut apuutsinnatik Qaqqaliamut pisuttuarlutik nasiffiusartumiit isikkivigissuaq isiginnaaqqaarsinnaasimavaat. Qaqqaliamut angalaneq Qeqertarsuarmi Arktisk Stationimit aaqqissugaavoq. Qaqqaliami naaralaartitsivimmiikkami qarasaasiaq, nipinik immiussiutigaluni immami nipinik siaruarterisuusoq taaguutilik Disko LIVE.
MELLEMERUM
”Kunngi Frederik, Dronning Maryllu suliniut tapiiffiginikuummassut qujassuteqarfigiutigalugit Qeqertarsuup Tunua pillugu saqqummiussiffiginissaannut periarfissatsialaasimavoq”, ilisimatusartuuneq Outi Tervo Pinngortitaleriffimmeersoq suliniummillu aqutsisuusoq taama nassuiaateqarpoq. Qeqertarsuup Tunua Kalaallit Nunaata immikkoortuatut immikkuullarissutut ilisimaneqarluartuuvoq, uumasut assigiinngiiaartut miluumasullu assigiinngiiaartut ukiup nikerarnera malillugu tamaniittuartuummata. Qeqertarsuup Tunua silap allanngoriartorneranik aamma eqqugaagami Arktisk Stationimiit Pinngortitaleriffimmiillu misissugarineqarluartarpoq.
MELLEMRUM
Suliniutip Disko LIVE’p siunertaraa tamaani miluumasoqarnera inuillu nipiliuutigisaannik sumiiffiup sunnerneqaraluttuinnarnera malinnaaffigineqarniarami, nunarsuulli sinneraniit immami nipit toqqaannartumik tusarnaarneqarsinnaallutittaaq, suliniut Disko LIVE aqqutigalugu. Suliniummi suleqatigineqarput Arktisk Station, Qeqertarsuup illoqarfia, Visit Greenland, Statens Naturhistoriske Museum, Seiche Marine Acoustic Solutions aammalu Pinngortitaleriffik. Suliniummut aamma tapeeqataappat Carlsbergfondet, Aage V. Jensen Charity Foundation aammalu Hotel Disko Island.
