Qalerallit pillugit siunnersuineq 2025 Saqqummersinneqarfia 05.07.2024
NAFO’ip siunnersuutigeqqippaa Kitaata avannaatungaani sinerissap qanittuani qalerallit pisarineqartartut maannakkumit appartinneqarnerujussuusariaqartut. Qalerallimmi Qeqertarsuup Tunuani, Uummannami, Upernavimmilu ukiuni arlalinni ikiliartornerat takussutissaqareermat:
- Qalerallit tulaanneqartartut millisimagamik
- Qalerallit angisoortaqarpiannginnamik
- Aalisartut nalunaarsuusiorfiini takuneqarsinnaagami pisarineqartartut ikiliartortut (Oqummersakkuutaartumik pisarineqartartut)
- Ukioqatigiiaat ikittunnguusarput (ukioqatigiiaat 2-3ginnaasarput) aalisarnermi aalisakkanillu misissuinermi.
Nunatta Kitaata avataani qalerallit nunatta Canadallu akunnerminni avittarpaat. NAFO’ip avataanut siunnersuinera 2025imut 2026imullu allannguuteqangaanngilaq, pisarineqartartut nalunaarsorneqarnerisa matematikilu atorlugu naatsorsuinerit takutimmassuk, avataata qaleraleqassusia ikileriaateqarsimanngitsoq.
ICES siunnersuivoq nunatta Kangiata avataani, Tunumi, qalerallit 2024imi pisarineqarsimasunut sanilliullutik pisarineqartussat 9%inik ikinnerussasut. Ikileriarnissaannut peqqutaavoq qaleraleqassuseq siornarnik ikileriaateqarsimammat. Neriuutissaqarluarporli, tassami qaleraleeqqat ukiuni tulliuttuni pisarineqarsinnaalertussat amerlammata.
Kalaallit Nunaata Kitaani sinerissap qanittuanut siunnersuinerit
| Qeqertarsuup Tunua: | 6.258 tonsit | 2023mi pisat: 11.435 tonsit |
| Uummannaq: | 4.674 tonsit | 2023mi pisat: 8.250 tonsit |
| Upernavik: | 5.801 tonsit | 2023mi pisat: 7.300 tonsit |
Kalaallit Nunaata Kitaata avataani qaleralittassanik siunnersuineq
| Davis Stræde Baffinbugtilu: | 29.970 tonsit | Siuliani siunnersuineq: 29.649 tons |
Tunup avataani qaleralittassanik siunnersuineq
| Tunu, Island Savalimmiullu
|
17.800 tonsit qaangertussaassanngillat | Siuliani siunnersuineq:
19.703 tons |
Sukumiinerusumik paasisaqarniaraanni attavissaq: Aalisakkanut Qalerualinnullu Immikkoortortaqarfimmi pisortaq, Helle Siegstad; oqa. +299 361200, mail hesi@natur.gl.
