*Required
*Required
*Required
*Required
*Required
*Required
*Required
*Required
Send
Thank you for your application!
 

Pikialaarfik nipillu eqqumiitsuliat

Pikialaarfik. Illu qernertoq aammalu ilinniartitaanermut atugassiatut illuliatut taaneqartartoq taamatut atertaarpoq. Illu atserneqarpoq iigaani eqqumiitsuliat saqqummersinneqarnerat iluatsillugu pingasunngormat 19. februar. Pikialaarfik inoqarluavilluni pikialaarfiuvoq.

Atertaava Emma Kristensen-imit saqqummiunneqarpoq, tassuuma Lene Kielsen Holm peqatigalugu Pikialaarfik siunnersuutigisimagamikku.

-Manna illu ilisimasanik pisunillu pikialaarfiusussaammat taamatut atsissallugu piukkussimavarput, aammali ateq Pikialasorsuarmut uumasut issittumeersut pikialaffiannut attuumassuteqarsinnaammat minnerunngitsumillu Pikialaarfik Ilimmarfik aammalu Pinngortitaleriffik, imminnut tulluummata eqqaamioriillutillu, Emma Kristensen saqqummersitsinermi taamatut nassuiaateqarpoq.

Eqqumiitsuliortup Inuk Silis Høegh’ip eqqumiitsuliai tassani saqqummersinneqarput.

-Nipit assut tiguartiffigisuaannarnikuuvakka ingammik pinngortitamiitillunga, suliassarlu pinngortutut ippoq aavartillunga ukiut arlallit matuma siornatigut kiinaaleeraq mobilinnit immiukkakku, Inuk Silis Høegh nassuiaavoq.

Eqqaallugulu nipit tusarnaaginnarlugit inuup nammineq niaqqumini assinik takunnissinnaalertarnera.

Eqqumiitsuliat tamarmik QR-imik ilisarnaasigaapput talerpiatungiminni, taakkua mobiilimik scanneraanni nipit tusarnaarneqarsinnaalertarput, aammali nammineq nipit.natur.gl– mut iserluni nipit tusarnaarneqarsinnaapput, tassunga iseraanni isikkuisa assilineqarneri ataani takuneqarsinnaapput. Tusarnaarneqarsinnaasut tassaapput erngup issuatsiaat iluanni kuserusaarpalaarnera, aammali Ilulissani qimmit miaggoorpalunnerat, Avannaani sikuissuup ataani nipi, qipoqqaap angutivissap nipiliornera, Qimusseriarsuarmi qilalukkap qernertap nipaa, aammalu Inuk Silis Høegh-ip immiussaa kiinaaleeqqap nipaa.

Nipit arlallit Pinngortitaleriffimmi uumasorsiuunit immiunneqarsimapput. Assilialiat saviminermut naqitaapput suliarineqarnerilu Aage V. Jensen-ip aningaasaateqarfianiit akilerneqarput. Nipit assillu uugguuna aamma isiginnaarneqarlutillu tusarnaarneqarsinnaapput: nipit.natur.gl

Eqqumiitsuliortoq Inuk Silis Høegh ilaquttani ilagalugit najuuppoq. Ass.: Pinngortitaleriffik.