Immap sikuata aannikup Silap Pissusaa navianartorsiortippaa Saqqummersinneqarfia 19.05.2009
Issittup sikuata aakkiartornerata Nunarsuup kissakkaluttuinnarnera soorlu suli sukkaninngortissagaa ilimanartoq.
Issittup imartaata sikuata Qallunaat ukiumut CO2 aniatsittagaata qulinit-aqqaneq-marluk tikillugit annertunerusoq CO2 silaannarmit immamut pisittarpaa, tassani ukiut 1.000 tungaanut uninngasarluni, Qallunaat ilisimatusarnerisa qanittukkut saqqummiunneqartussap takutissavaa.
“Immap sikuata siammartarnerata kinguariartornerata ilutigisaanik sikup silaannarmit CO2-mik immap iluanut naqitsinissaa amigaataalissaaq taassumalu kingunerisinnaavaa Nunarsuup kissakkiartornerata sukkanerulernera, tassami tamassuma Silaannaap CO2 akoqassusia annerulertissammagu.” taamak naliliivoq professor Søren Rysgaard Silap Pissusianik Ilisimatusarfimmeersup ilisimatusaatip ingerlanneqarnerani siuttuusoq.
CO2 Nunarsuup kissakkiartorneranut tapertaalluartutut oqaatigineqartarpoq.
Nunarsuup imatai silaannaanit 50-eriaammik kulstof-eqarnerupput. Ukiut tamaasa 1,7 mia. tons CO2 silaannarmiit immamut akuleruttarpoq – sikup immap iluanut naqitsinerata 30-40 pct. immamut CO2 pisussaq isumagisarpaa, Søren Rysgaard naliliivoq.
