Ammassaat, Islandip eqqaani, Tunumi, Jan Mayenimilu
2023-mut siunnersuineq
Siunnersuineq atuuttoq silittumik allaqqavoq. Siunnersuineq siornarnisaq uingasumik allaqqavoq.
Island, Tunumi Jan Mayenimilu
2023 | 218.400 tons |
2021/22 | 869.600 tons |
Pisassat Islandip Norgellu akunnerminni avittarpaat. Kalaallit Nunaata TAC-ip tamakkiisup 15 %-ia aalisarsinnaasarpaa.
Siunnersuinerup itisilerneqarnera
Ammassaat Islandip eqqaani, Tunumi Jan Mayenimilu
Ammassaat Tunup avataani Islandillu imartaaniittartut ataatsimoorlutik ingerlaaqatigiittartuupput.
Siunnersuineq aalisarfiusussatut piffissami 15. oktober 2022-miit 15. April 2023-mut innersuussutitaqarpoq. Siunnersuineq una 2023-ip aallartilaarnerani nutaanik misissuisoqareernerata kingorna imarisai allanngortinneqassappata nutarsarneqassaaq.
Nipi atorlugu Tunup imartaani september 2021-imi misissuisoqarnerani ammassaat inerilivissut amerlassusiat qaffasissimavoq, taamaammallu aallaqqaammut siunnersuineq 400.000 tonsiusimavoq. Misissuinerni taakkunani 2020-mi ammassaat suffiarineqarsimasut nassaareqqinneqarsimanngillat. Naatsorsuutigineqarpoq ukioq taanna suffiarineqarsimasut upernaaq 2023-mi suffisinnaalernissaat, taamatullu aalisarneqarsinnaalernissaat.
Ammassaat perulivissut ukioq ataaseq uumasimasut aammalu ukiuni marlunni uummareersimasut ikigisassaasimapput, tamannalu 2023 2024-mut (siunnersuineq taanna ICES-imit saqqummiunneqassaaq decemberip aallaqqaataata missaani 2022). Siunnersuinermi aallaqqaammut 2023/24-mut pisassiisoqanngitsoornera, 0 tons, takussutissaavoq.
Ammassanniartut nunat pingasut peqataapput. Kalaallit Nunaat, Island aamma Norge. Ammassanniat nunatsinneersut Tunup imartaani Islandillu imartaanni 1992-imiilli aalisartarsimapput. Ammassaalli siaruarsimanertik 2003 missaaniilli kippariartissimavaat, amerlanerpaartaat Kalaallit Nunaata imartaani, EEZ, alliartortarlutik. Ammassannik misissuinerit ukiarmi ingerlanneqartut takutippaat ammassaat siaruarsimanerat suli kippasissumiittoq.
Figur 12. Suffisinnaasut oqimassusinngorlugu annertussusaat (saamerleq) 2016-imiilli peqassutsip
agguaqatigiissinnerisa eqqortuunissaat 90 %-imik qularnaarneqarsinnaavoq. 2016 sioqqullugu kingornalu
nalunaarsukkat toqqaannartumik assersuunneqarsinnaanngillat. Ammassaat pisarineqarsinnaanngortussat
amerlassusaat (talerperleq) Islandip avataani, Tunumi Jan Mayenimilu.
Eqikkaaneq tamakkeqqasoq uani aasinnaavat: Aalisakkat immap ikeraneersut pillugit ICES-ip 2023-mut siunnersuinerata eqikkarneqarnera
Siornatigut siunnersuinerit uani takusinnaavatit:
2022 | 2021 | 2019 |
2018 | 2017 | 2015 |
2014 | 2012 | 2011 |
2010 | 2009 | 2007 |
2006 |