Sinerissap qanittuani

Sinerissap qanittuani qaleraleqarfiit qulaani takuneqarsinnaasutut sumiiffinnut arfiniliusunut avinneqartarput. Sumiiffik paasisaqarfiginerorusutat iserfiginiarukku qulaaniittut arlaat tuussavat.

NAFO sineriatta qanittuani imartatta immikkoortuini arfinilinni qaleralittassat pillugit siunnersuisarpoq:

*Kitaani sinerissap qanittuani sumiiffinni arfinilinni Namminersorlutik Oqartussat peqqusinerat malillugu ukiunut marlunnut siunnersuineruvoq.

Sinerissap qanittuani qalerallit

Qeqertarsuup Tunuani, Uummannami, Upernavimmilu sinerissap qanittuani qaleralinnik siunnersuineq ukiut marlukkaarlugit siunnersuinerusarpoq. Siunnersuinerlu kingulleq 2024imi suliarineqartoq ukiunut 2025-2026inut atuuttuuvoq.  Aalisartut Pinngortitaleriffiullu kisitsisaataat 2024imeersut nutarterneqarsimapput NAFO´p 2025imut siunnersuineranut tunngatillugu uanilu saqqummersinneqarlutik.

NAFO’p Ilisimatuussutsikkut Siunnersuisoqatigiivi isumaqarput, 2024imi alaatsinaannerit ersersikkaat peqassutsip allannguuteqarsimannginnera, taamaattumillu siunnersuineq allanngortinneqartariaqarsorineqanngilaq. Pinngortitaleriffiulli peqassuseq oqimaassusinngortikkaanni, angissutsillu agguaqatigiisinnerat misissoraanni, amusinermilu ataatsimi amusat 2023imiit 2024imut appariaateqartoqartoq maluginiarpaa. Tamannalu pissutigalugu Pinngortitaleriffiup nalilerpaa 2024imi siunnersuinerminngarnik peqassuseq appariaateqarsimasoq massakkullu appasissumiittoq.

Aalisakkanut siunnersuinermut atuuttunut eqikkaanerit tamakkeqqasut uani aaneqarsinnaapput: NAFO-mit qalerallit pillugit 2026-mut siunnersuinerit eqikkarneqarnerat(Qeqertarsuup Tunua, Uummannaq Upernavillu)

Siornatigut siunnersuinerit uani takusinnaavatit: